Margao News: गोव्यात मडगाव येथे एका कारचा अपघात झाला आहे. या भरधाव कारवरील चालकाचे नियंत्रण सुटून कार थेट सराफाच्या दुकानात घुसली. दुकानाच्या दारात लावलेल्या दुचाकींनाही या कारने उडवले. या अपघाताचे सीसीटीव्ही फुटेजदेखील समोर आले आहे.

मडगावातील पॉवर हाऊसजवळ हा अपघात घडला. या अपघातात दुकानाचेही मोठे नुकसान झाल्याचा दावा दुकानमालकाने केला आहे. दुकानमालकाने दुकानाचे तीन ते चार लाख रूपयांचे नुकसान झाल्याचे म्हटले आहे.

या अपघातात एक पादचारी जखमी झाला आहे. चालकालादेखील किरकोळ दुखापत झाली आहे. त्याला उपचारासाठी रूग्णालयात दाखल करण्यात आले.