'Noise Pollution' certificate Mandatory For tiatrs गावागावात होणाऱ्या फेस्‍तांवेळी खुल्‍या मंडपात सादर केले जाणारे तियात्र हा गोव्याच्या संस्‍कृतीचा अविभाज्‍य भाग असला तरी आता असे तियात्र सादर करण्‍यासाठी प्रदूषण नियंत्रण मंडळाकडून ‘ध्‍वनी प्रदूषण’ ‘ना हरकत’ दाखला घेणे अनिवार्य केल्‍याने आयोजक अडचणीत आले आहेत.

हा दाखला मिळविण्‍यासाठी आयोजकांना प्रदूषण नियंत्रण मंडळाच्‍या साळगाव येथील कार्यालयात खेटा घालाव्‍या लागत आहेत.

यामुळे स्‍थानिक तियात्र कलाकारांनी नाराजी व्‍यक्‍त केली असून तियात्रांमुळे असे कोणते ध्‍वनी प्रदूषण होते, त्यासाठी या दाखल्‍याची गरज वाटावी, असा सवाल त्‍यांनी केला आहे. यापूर्वी खुल्‍या मंडपात होणाऱ्या काजारांसाठीही असा दाखला घ्‍यावा लागत होता.

उच्‍च न्‍यायालयाच्‍या आदेशानुसार खुल्‍या जागेत आयोजीत केल्‍या जाणार्‍या सर्व कार्यक्रमांना प्रदूषण नियंत्रण मंडळाकडून ‘ना हरकत’ दाखला सक्तीचा केला आहे. त्‍यात एका वटहुकूमाद्वारे शिथिलता आणावी, अशी मागणी स्‍थानिक करत आहेत.

"दक्षिण गोव्‍यातील तियात्र हे सरकार बंद पाडू पाहते आहे. प्रत्‍येक तियात्र करण्‍यासाठी अशी परवानगी घ्‍यावी लागल्‍यास आणि ती घेण्‍यासाठी साळगावला जावे लागल्‍यास कुणी गावात तियात्रच करणार नाहीत, अशी भीती आहे. सरकारने याची दखल घेऊन ही सक्‍ती रद्द करावी."

- वेन्‍झी विएगस, ‘आमदार बाणावली