Goa Crime पर्वत पारोडा येथे एका मजुराचा डोक्यावर फावड्याचा वार करून खून करण्यात आला आहे. प्राप्त माहितीनुसार श्री चंद्रेश्वर भूतनाथ संस्थानाच्या पायथ्याशी असलेल्या एकांत जागेवर एक मृत व्यक्ती असल्याचे एका ग्रामस्थाला दिसून आल्याने त्याने याची माहिती केपे पोलिसांना दिली.

असता केपे पोलिसांनी घटनास्थळी धाव घेऊन पाहणी केली. सदर मृत व्यक्ती मजूर असल्याचा संशय असून त्याच्या डोक्यावर फावड्याने जोरदार वार केला असून रक्ताच्या थारोळ्यातला त्याचा मृतदेह आडोशाला फेकण्यात आला होता. केपे पोलिसांनी सदर घटनेचा पंचनामा केला असून पुढील तपास चालू आहे.