(Hotel Worker's Suicide) काणकोण : येथील एका हॉटेलमधील कर्मचाऱ्याने गळफास घेऊन आत्महत्या केल्याची घटना समोर आली आहे. अभिषेक हरिपूर (वय 39) असे या कर्मचाऱ्याचे नाव आहे.

राजबाग-काणकोण येथे हे हॉटेल आहे. या हॉटेलमध्ये अभिषेक हा गेल्या काही काळापासून काम करत होता. तो याच भागात भाड्याच्या घरात राहत होता. अभिषेक हा मुळचा कर्नाटकातील हुबळी येथील आहे. गुरूवारी दुपारी त्याने आत्महत्या केल्याचे उघडकीस आले. आत्महत्येची माहिती मिळताच पोलिसांनी तत्काळ घटनास्थळी धाव घेतली.

मृतदेह ताब्यात घेऊन तो वैद्यकीय तपासणीसाठी दक्षिण गोवा जिल्हा रुग्णालयात पाठवला गेला आहे. दरम्यान, आत्महत्येचे नेमके कारण समजू शकलेले नाही. पोलिस निरिक्षक चंद्रकात गावस यांच्या मार्गदर्शनाखाली पुढील तपास सुरू आहे. अभिषेख हरिपुर याच्या हुबळी येथील घरात कुटूंबियांशी संपर्क साधला गेला आहे, असे पोलिस निरिक्षक गावस यांनी सांगितले.