Accident In Goa: 2022 च्या तुलनेत 2023 सुरू झाल्यापासून गोव्यात अपघाताच्या घटनांमध्ये मोठ्या प्रमाणात वाढ झाली आहे. पोलिस यंत्रणेकडून कडक कारवाई, रस्ते सुरक्षा आठवडे, रस्ते अपघातांविषयी जागृती करण्याचे उपक्रम सुरु आहेत.

परंतु त्याचा हवा तेवढा फायदा होताना दिसत नाही. बांबोळी दोनापावला मार्गावर आज सोमवारी दुपारी एका कारचा अपघात झाल्याची घटना घडली आहे.

याबाबत अधिक माहिती अशी की, बांबोळी दोनापावला मार्गावर आज बलेनो कारचा अपघात झाला. कार डिव्हायडरवर धडकल्याने हा अपघात घडला. या अपघातात सुदैवाने जीवितहानी झाली नाही.

कारची धडक इतकी जोरात होती की कारचा चालकाच्या बाजूचा पुढील टायर निकळून बाहेर पडला तर प्रथमदर्शनी भागाचे नुकसान झाले आहे.

या अपघाताची माहिती मिळताच पोलिस घटनास्थळी दाखल झाले आहेत. या अपघातामुळे कारचे ऑईल रस्त्याच्या कडेला सांडले आहे. यावेळी मार्गावरील वाहतूक थोडा काळ ठप्प झाली होती.

दरम्यान अशीच एक अपघाताची घटना पर्वरीतून समोर आली होती.  पर्वरीतील आर. जी. हॉस्पिटलसमोर विरुद्ध दिशेने येणाऱ्या दोन चारचाकींमध्ये जोरदार धडक बसली होती.

अपघातात दोन्ही गाड्यांचे मोठ्या प्रमाणात नुकसान झाले. यामध्ये चालकासह अन्य दोघेजण गंभीर जखमी झाले आहेत.