भारताच्या राष्ट्रपती पदाच्या निवडणुकीसाठीचे मतदान 18 जुलै रोजी पार पडले. यावरुन गोव्यात क्रॉस व्होटिंगचा विषय चांगलाच गाजतो आहे. यावरुन काँग्रेस आणि भाजप यांच्यात आरोप - प्रत्यारोप होत आहेत, या निमित्ताने गोवा काँग्रेसच्या तीन नेत्यांकडून क्रॉस व्होटिंग झाले. अशी ही चर्चा आहे, कारण द्रौपदी मुर्मू यांना गोव्यातून 40 पैकी 28 मते मिळाल्याचे उघड झाले आहे. त्यामुळे विरोधकांची 3 मते फुटली, ती काँग्रेसची असल्याची चर्चा जोरदार सुरू आहे. यावरुन अमित पाटकर यांनी भाष्य केलं. (A and B team of Goa BJP cooperated for presidential election 2022 - Amit Patkar )

पाटकर म्हणाले की, राष्ट्रपती पदाच्या निवडणुकीत क्रॉस व्होटिंग झाले आहे. यात भाजपच्या A आणि B टीमने सहकार्य केले आहे. त्यामूळे गोवा काँग्रेस नेत्यांवर केलेला आरोप तथ्यहीन आहे. गोवा काँग्रेस नेत्यांनी केलेले मतदान हे ठरल्याप्रमाणे केले आहे. त्यामूळे क्रॉस व्होटिंग कोणी केले. हे वेगळे सांगण्याची गरज नाही.

पाटकर म्हणाले की, भाजपची A आणि B टीम म्हणजेच आम आदमी पार्टी आणि रिवोल्यूशनरी गोअन्स पार्टी यांनी या निवडणूकीत भाजपला मदत केली आहे. त्यामूळे काँग्रेसच्या नेत्यांवर मतदानाच्या बाबतीत संशय घेण्याचे कारण नाही. असे ते म्हणाले. त्यामूळे गोव्यातील राष्ट्रपती मतदानावरुन सुरु असलेली चर्चा आता संपली आहे. असे ही ते यावेळी म्हणाले.