Ban Online Gambling: ऑनलाइन जुगारावर बंदी घाला, संकल्प आमोणकर यांची मागणी

ऑनलाइन जुगारावर बंदी घालावी अशी मागणी काँग्रेस आमदार संकल्प आमोणकर (MLA Sankalp Amonkar) यांनी आज (दि.22) विधानसभेत केली. आमोणकर म्हणाले राज्यात ऑनलाईन जुगारचे प्रमाण वाढले आहे. विशेष करून ऑनलाईन रम्मी हा जुगार सर्रासपणे खेळला जात आहे. युवावर्ग याकडे आकर्षित होत असून त्याला बळी पडत असल्याचे त्यांनी नमूद केले.

संकल्प आमोणकर म्हणाले, गोव्यात रम्मी, थ्री कार्ड, पोकर यासारखे अनेक ऑनलाईन जुगार खेळले जात आहेत. अनेक युवकांना याचे व्यसन लागत असून ही चिंतेची बाब आहे. तेलंगणा, सिक्किम, आंध्र प्रदेश, ओडिसा आणि नागालँड या राज्यांनी ऑनलाईन जुगारावर बंदी घातली आहे. महाविद्यालयीन विद्यार्थी याच्या आहारी गेले आहेत.

आमोणकर यांनी यावेळी आपल्या मित्राच्या मुलाचे उदाहरण दिले. ऑनलाईन जुगाराच्या व्यसनात पाच लाख रूपये गमावले असल्याचे सांगितले. दरम्यान, मुख्यमंत्री तथा गृहमंत्री डॉ. प्रमोद सावंत (Pramod Sawant) म्हणाले, यासंबधित योग्य माहिती घेऊन योग्य कारवाई केली जाईल असे आश्वासन दिले.