बुधवारी सकाळी दाबोळी विमानतळावर उतरणार असलेली आठ विमाने विमानतळ परिसरात खराब हवामानामुळे (कमी दृश्यमानता) भारतातील इतर विमानतळांवर वळवावी लागली. या आठ विमानांमध्ये मुंबई, दिल्ली, मस्कतसह विविध विमानांचा समावेश होता.

मिळालेल्या माहितीनुसार, खराब हवामानामुळे बुधवारी सकाळी दाबोळी विमानतळावर उतरणार असलेली आठ विमाने वळविण्यात आली. यात मस्कतहून आलेल्या एका आंतरराष्ट्रीय विमानाचा समावेश होता. तसेच, मुंबईहून येणारी दोन, बेंगळुरूची दोन, दिल्लीचे एक, हैदराबादचे एक, कोचीनच्या एका विमानाचा समावेश होता. ही विमाने मुंबई, बंगळुरू आणि हैदराबादच्या विमानतळांवर वळवावी लागली.

हवामान परिस्थिती सामान्य झाल्यानंतर (स्पष्ट दृश्यमानता) विमाने दाबोळी विमानतळावर उतरली. सुमारे दोन ते अडीच तास उशिराने विमानतळावर विमाने उतराविण्यात आले.

कोणती विमाने वळविण्यात आली.

G8-0575, AI-685, I5-818, 6E-743, WY-277, 6E-211, 6E-194, and I5-779

मुंबई, बेंगळुरू, दिल्ली, हैदराबाद, कोचीन आणि मस्कत येथून येणार होत्या. अखे अडीच तासांच्या विलंबानंतर ही विमाने दाबोळी उतरविण्यात आली आहेत. एअर आशिया, गो फर्स्ट, ओमान एअर, इंडिगो यांच्या या फ्लाईट्स होत्या.