Goa Work Place Harrasment: गोव्याची राजधानी पणजीत एका खासगी कंपनीतील व्यवस्थापकाने आपल्याच कंपनीत कार्यरत असलेल्या 24 वर्षीय तरूणीचा लैंगिक छळ केल्याचा प्रकार समोर आला आहे.

जयकृष्ण शेट्टी (वय 65) असे संशयित आरोपीचे नाव आहे. तो येथील एका खासगी कंपनीमध्ये मॅनेजर (व्यवस्थापक) म्हणून कार्यरत आहे. कामाच्या ठिकाणी लैंगिक छळ केल्याची तक्रार संबंधित तरूणीने दिली आहे.

हा प्रकार बुधवारी घडला होता. त्यानंतर मुलीने पोलिसात तक्रार दिली. तक्रारीत म्हटले आहे की, व्यवस्थापक शेट्टी याने शरीराला वाईट पद्धतीने स्पर्श केला. तसेच तिच्याशी बोलताना अश्लील शब्द वापरले. पोलिसांनी तातडीने गुन्हा नोंद करत व्यवस्थापकाला अटक केली.

संबंधित पीडीत तरूणी ही मूळची कर्नाटकातील आहे. तिच्याबाबत हा प्रकार घडल्यानंतर तिला याबाबत कुठेही व्याच्यता करू नये म्हणून व्यवस्थापकाने धमकावल्याचेही तरूणीने पोलिसांना सांगितले आहे.