गंगाराम आवणे
Government Employee: सरकारी सेवेत असतानाही सामान्य मध्यमवर्गीय नागरिकांसाठी राबविण्यात येणाऱ्या योजनांचा लाभ घेता येत नाही, हे माहीत असूनही काही सरकारी कर्मचाऱ्यांनी त्यांच्या कुटुंब सदस्यांसाठी गृहआधार योजनेचा लाभ घेतला.
मात्र, अशा सरकारी कर्मचाऱ्यांना महिला व बालविकास संचालनालयाकडून दणका देण्यात आला आहे. ज्यांनी या योजनेसाठी अपात्र असून देखील लाभ घेतला, ज्या सरकारी कर्मचाऱ्यांची आर्थिक उत्पन्नाची मर्यादा ओलांडली आहे.
त्या कर्मचाऱ्यांकडून लाखो रुपयांची वसुली करण्यात आली आहे.
महिला आणि बालविकास संचालनालयाने दिलेल्या माहितीनुसार, आत्तापर्यंत 64 लाख 84 हजार 490 रुपयांची वसुली करण्यात आली आहे. गृहआधार योजनेचा गैरफायदा घेतलेल्या 89 कर्मचाऱ्यांची वसुली करण्यात आली असून एकूण 2960 कर्मचाऱ्यांना नोटिसा बजावण्यात आल्या असून त्यांच्याकडूनही वसुली करण्यात येणार आहे. काही सरकारी कर्मचारी हे स्वतःहून येऊन रक्कम परत करतात, परंतु बहुतेकांना नोटिसा पाठवाव्या लागत असल्याचे वरिष्ठ अधिकाऱ्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.