Verna Accident News: गोव्यात होणाऱ्या वाहनांच्या अपघातांचे प्रमाण गेल्या काही दिवसांच्या तुलनेत वाढले आहे. दर दोन दिवसात अपघाताच्या घटना घडत आहेत. प्रामुख्याने राष्ट्रीय महामार्गावर होणारे अपघात वाहन चालकांसाठी जीवघेणे ठरत आहेत. परवा फोंडा येथे झालेल्या अपघातात एक महिलेचा मृत्यू झाला आहे. (52 years old women died in accident at verna)

फोंडा येथील गोसावी वाडा येथील ग्रीष्मा देसाई (52) यांचा रविवारी कुठ्ठाळी अपघात झाला ज्यामध्ये त्यांचा मृत्यू झाला आहे. गोविंद देसाई (57) आणि ग्रीष्मा देसाई हे दोघेजण दुचाकीवरून जात असताना चारचाकीने धडक दिल्याने हा अपघात (Accident) घडला. दोन्ही वाहने वेर्णाच्या दिशेने निघाली होती.

वेर्णा पोलिसांनी (Verna Police) दिलेल्या माहितीनुसार, त्यांना धडक चारचाकी चालक बेदरकारपणे वाहन चालवत होता. यालागुरडाप्पा कुन्नूर (26) हा मूळचा बागलकोट, कर्नाटक इथला रहिवासी असून याला पोलिसांनी अटक केली आहे. शिवाय त्याची चारचाकीही जप्त करण्यात आली आहे. गोविंद देसाई यांना गंभीर दुखापत झाली असून ग्रीष्मा यांना मडगाव येथील हॉस्पिसिओ रुग्णालयात मृत घोषित करण्यात आले. वाहनचालकांच्या निष्काळजीपणामुळे अपघातांना आमंत्रण मिळत आहे.