Goa Government: वित्त विनियोग विधेयकप्रश्‍‍नी विरोधकांनी सरकारच्या धोरणावर जोरदार टीका केली. पाच वर्षांत सरकारने कार्यक्रमांवर खर्च केलेला 500 कोटींचा मुद्दा तसेच थकबाकीवरून सरकारला घेरण्‍याचा प्रयत्‍न विरोधी पक्षनेते युरी आलेमाव आणि आमदार एल्टन डिकॉस्‍टा यांनी केला.

आलेमाव म्हणाले, सरकारच्या सदोष धोरणांमुळे राज्याला दिवाळखोरीत ढकलले आहे. राज्याला अगोदरच आर्थिक चणचण भासत आहे.

जनतेला आशेचा किरण अजिबात दिसत नाही, कारण सरकार कार्यक्रमांवर कोट्यवधी रुपये उधळत आहे, असे आलेमाव म्‍हणाले.

राज्याच्या डोक्यावर 28 हजार कोटींचे अर्थात प्रत्येक व्यक्तीच्या डोक्यावर 1 लाख 90 हजारांचे कर्ज आहे.

असे असतानाही सरकारला आमदारांना अतिरिक्त भत्ते द्यायचे आहेत. लोककल्याण आणि विकासासाठी हा निधी वापरला पाहिजे.

- एल्‍टन डिकॉस्‍टा,केपेचे आमदार.