Sonsodo Garbage Issue: उच्च न्यायालयाच्या निर्देशांनुसारच मडगावातील सोनसडोवरील 30 टन कचरा साळगाव येथील कचरा प्रक्रिया प्रकल्पाकडे आणण्‍यात येणार आहे. त्‍यासाठी या प्रकल्पाची क्षमता 100 टीपीडीवरून 250 टीपीडी करण्यात आली आहे.
अशी माहिती कचरा व्यवस्थापनमंत्री बाबूश मोन्सेरात यांनी आज गुरुवारी सभागृहात दिली. आमदार मायकल लोबो यांनी मांडलेल्या लक्षवेधीवर मंत्री मोन्सेरात बोलत होते.
दक्षिण गोव्यातील कचरा साळगावला का? यामुळे या प्रकल्पात अतिरिक्त कचरा साचेल आणि त्याचा परिणाम या परिसरातील नागरिकांच्या आरोग्यावर होईल, अशी भीती लोबो यांनी व्यक्त केले होती. त्‍यावर अन्य सदस्यांनीही आक्षेप नोंदविला होता.
काकोडा येथील कचरा प्रक्रिया प्रकल्प मे 2023 पासून सुरू करण्यात आला आहे. या प्रकल्पाची क्षमता 100 टीपीडी असून सध्या केवळ 18 टन कचरा या प्रकल्पावर येत आहे.
त्‍यासाठी 173 कोटी रुपये खर्च केले आहेत. पैकी 75 टक्के खर्च राज्य सरकारचा आहे, असेही कचरा व्यवस्थापनमंत्री बाबूश मोन्सेरात यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
