Goa Road Accident Dainik Gomantak
गोवा

Goa Accident Death: गोव्यात तीन दिवसांत 5 मृत्युमुखी, दीड महिन्यात 35 अपघात बळी

Goa Accident Death: पोरस्कडेत दुचाकीस्वार ठार; राज्यात तीन दिवसांत पाच मृत्युमुखी

दैनिक गोमन्तक

Goa Accident Death:

राज्यात गेल्या तीन दिवसांमध्ये विविध ठिकाणी झालेल्या रस्ते अपघातांमध्ये पाचजणांचा बळी गेला असून त्यातील चौघेजण विशीतील तरुण आहेत. आज पोरस्कडे येथे झालेल्या अपघातात एका प्रौढाचा मृत्यू झाल्याने एकूण पाचजणांचा अपघातांमध्ये अंत झाला.

राज्यात नव्या वर्षात (२०२४) आतापर्यंत ३५ जणांचे रस्ते अपघातांमध्ये बळी गेले आहेत. १ ते ३१ जानेवारीपर्यंत २०, तर १८ फेब्रुवारीपर्यंत १५ जणांचा अपघातांत दुर्दैवी मृत्यू झाला आहे. एका बाजूने राज्य सरकार अपघात टाळण्यासाठी विविध उपाययोजना राबवत असले, तरी दुसऱ्या बाजूने अपघातांची आणि त्यातील बळींची संख्या वाढतच चालली आहे. यासाठी वेगाने वाहन चालवणे, निष्काळजीपणा यासारखे घटक कारणीभूत ठरत आहेत.

शुक्रवारी चांदर येथे झालेल्या भीषण अपघातात दोन जीवलग मित्रांचा बळी गेला. यावर काँग्रेस प्रदेशाध्यक्ष अमित पाटकर यांनी सरकारला धारेवर धरले असून रस्ते अपघात रोखण्यात प्रशासन अपयशी ठरल्याचा ठपका त्यांनी ठेवला आहे. चांदर येथील अपघातात मृत पावलेल्या तन्वेश नाईक या तरुणाच्या काकाच्या मालकीच्या ट्रकची धडक त्या दोघांच्या दुचाकीला बसली आणि त्यात त्यांचा मृत्यू झाला.

शनिवारी आरोंदेकरवाडा- हरमल येथे दोघा चुलत बंधूंचा अपघातात अंत झाल्याने गावावर शोककळा पसरली होती. त्यांच्या मृत्युनंतर प्रक्षुब्ध झालेल्या ग्रामस्थांनी या अपघातास कारणीभूत असलेल्या दोन्ही वाहनचालकांना आमच्या स्वाधीन करा, अशी मागणी केली होती. त्यातच आज (रविवारी) पोरस्कडे येथे एका कारने ठोकरल्याने एका दुचाकीस्वाराचा बळी गेला. त्यामुळे आणखी एक संसार उघड्यावर पडला आहे.

‘त्या’ दोन चालकांना अटक

हरमल येथील अपघातास कारणीभूत ठरलेल्या कार व ट्रकचालकास पोलिसांनी ताब्यात घेतले होते. मात्र, त्यांना अटक करण्याची मागणी युवकांनी बराच वेळ लावून धरली. पेडणे व मांद्रे पोलिस स्थानकावर जेव्हा लोकांचा दबाव वाढला, तेव्हा पोलिसांना कारवाई करणे भाग पडले. या दोन्ही चालकांना अटक केली आहे. युवकांनी एफआयआर कॉपी देण्याचा आग्रह धरल्यानंतर शनिवारी रात्री १२ वाजता प्रत दिल्याचे सांगण्यात आले. गोवा फॉरवर्ड पक्षाचे दीपक कळंगुटकर हे कार्यकर्त्यांसमवेत शनिवारी रात्री उशिरापर्यंत पोलिस स्थानकात उपस्थित होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT