National Highway 66: ...तर आजपासून धरणे; उगवे ग्रामस्थांचा इशारा

National Highway 66:

राष्ट्रीय महामार्ग 66 चे काम करत असताना ‘एमव्हीआर’ कंपनीने आणि कंत्राटदाराने स्थानिकांना विश्वासात न घेता राष्ट्रीय महामार्गाचे काम सुरू केले. परंतु उगवे भागात, शेतात जाण्यायेण्यासाठी राष्ट्रीय महामार्ग ओलांडताना अडचणी येतात.

त्या अडचणी सोडवण्याचा प्रयत्न केला नाही. अगोदर सर्विस रस्ते करा, अशी मागणी केल्यानंतरही त्याकडे दुर्लक्ष करण्यात आले. त्यामुळे उद्यापासून आम्ही धरणे आंदोलन करणार आहोत, असा इशारा उगवे ग्रामस्थांना दिला.

यासंदर्भात, आमदार प्रवीण आर्लेकर म्हणाले, की राष्ट्रीय महामार्गाचे काम ‘एमव्हीआर’ कंपनीकडून व्यवस्थित केले जात नाही.

कंत्राटदाराला आपण ठणकावून सांगितले होते, की राष्ट्रीय महामार्ग करण्याअगोदर ‘सर्विस’ रस्ते नीटनेटके करा, अन्यथा राष्ट्रीय महामार्गाचे काम रोखू. सर्विस रस्ता करत असताना जी उगवे गावासाठी मुख्य जलवाहिनी जात होती ती जलवाहिनी हलवण्यासाठी सार्वजनिक बांधकाम खाते पाणी विभागातला विलंब लागल्यामुळे या रस्त्याचे काम रखडले आहे.