मडगाव : वार्का येथे झालेल्या त्रिनिदाद मार्टिन्स या 80 वर्षीय वृद्धाचा खून होऊन 3 दिवस उलटले तरी अजून त्याचा उलघडा पोलीस करू शकलेले नाहीत.

वार्का (Varca) येथील भरवस्तीत असलेल्या या घरात शिरून हा खून कुणी केला याचा पत्ता पोलिसांना लागत नसून आता या भागात रस्त्यावर असलेल्या सीसीटीव्ही कॅमेऱ्यात कैद झालेल्या फोटोतून काही सुगावा मिळतो का यावर पोलिसांनी भर दिला आहे. या फुटेजीस तपासून पाहण्यासाठी खास पोलीस पथकाची नेमणूक केली आहे अशी माहिती पोलिसांनी दिली.

तीन दिवसापूर्वी रात्री आठच्या सुमारास हा खून झाला होता. आपल्या मुलीशी पटत नसल्याने घरात एकटाच राहणाऱ्या या वृद्धाच्या डोक्यावर लोखंडी दांड्याचा प्रहार करून त्याचा खून करण्यात आला होता. पोलिसांनी या प्रकरणी अज्ञाता विराधात बेकायदेशीर रित्या घरात शिरून खून (Murder) केल्याचा गुन्हा नोंद केला आहे. पोलीस (police) निरीक्षक मेल्सन कुलासो या प्रकरणी तपास करत आहेत.