New Wetlands in Goa: केंद्र सरकारच्या 2017 पाणथळ जमीन (संवर्धन आणि व्यवस्थापन) नियमांतर्गत गोव्यातील आणखी 24 पाणवठे "वेटलँड" म्हणून घोषित केले जाणार आहेत.

या संदर्भात सार्वजनिक अभिप्राय मागवणारी अधिसूचना जाही करण्यात आली आहे.

मसुदा अधिसूचनेत, गोवा राज्य वेटलँड प्राधिकरण (GSWA) ने पर्रा, करमाळी, धाकटे तलाव, इटा तलाव, मये, माखाजन, ओर्ली, बांदोळी, धुळपे, सपू, ओडली, ताळावली, बेताल, अडसुळे, कोदाळ, मनाली, कोळमवाडा, करंबोळी, कोनशे, बेती, पाले, सुलभाट, दुर्गा आणि तरवळे या तलावांना वेटलँड म्हणून घोषित करण्याचा प्रस्ताव दिला आहे.

या पाणथळ जागा पर्यावरणीय दृष्टीकोनातून अत्यंत महत्वाच्या परिसंस्था मानल्या जातात. जैवविविधता आणि एकूणच पर्यावरणात वेटलँड्सची भूमिका महत्वाची असते. दरम्यान, अधिसूचनेत लोकांना याबाबत त्यांची मेत मांडण्यासाठी 60 दिवसांचा वेळ दिला आहे.

करंबोळी येथे 5.63 लाख चौरस मीटरहून अधिक जास्त क्षेत्रफळात पाणथळ जागा आहे. त्यानंतर दुर्गा तलाव 2.31 लाख चौरस मीटर क्षेत्रात पसरला आहे. सपू तलाव किंवा टोलेम बंदर 2.07 लाख चौरस मीटर क्षेत्रफळ आहे.

बातीम सरोवराचे क्षेत्रफळ 1.67 लाख चौरस मीटर आहे तर मये सरोवराचे क्षेत्रफळ 1.02 लाख चौरस मीटर आहे.