सासष्टी: मडगाव कोकण रेल्वे (Madgaon Railway) स्थानकावरील पार्सल रूममधून कोकण रेल्वे पोलिसांनी आज 23 लाख रुपयांचा गुटखा व तंबाखू जप्त केला. एका रेल्वेतून गुटखा आणि तंबाखूचा साठा कोकण रेल्वे स्थानकावरील पार्सल रूममध्ये ठेवण्यात आल्याची गुप्त माहिती कोकण रेल्वे पोलीस स्टेशनला मिळाली होती. त्यानुसार कारवाई करुन पोलिसांनी या पार्सल रूममध्ये तपास करून हा लाखोंचा गुटखा आणि तंबाखू जप्त केला. रात्री उशीरापर्यंत माल मोजण्याची व अन्य कारवाई सुरु होती. याप्रकरणी पोलीस अधिक तपास करीत आहे.