केरी: ऑनलाईन जुगारात मोठे नुकसान झाल्याने नैराश्यात गेलेल्या १९ वर्षीय मुलाने आयुष्य संपवल्याची धक्कादायक घटना उघडकीस आली आहे. आर्थिक नैराश्यातून केरी येथील मुलाने आत्महत्या केलीय.

मिळालेल्या माहितीनुसार, केरी येथील १९ वर्षीय मुलाने ऑनलाईन जुगारात स्वत:जवळील सर्व पैसे गमावले. त्यानंतर जुगार खेळण्यासाठी त्याने सुरुवातीला कुटुंबीय नंतर मित्र आणि नातेवाईंकांकडून पैसे घेतले. जुगार खेळून झालेले नुकसान भरुन काढणे आणि उसने घेतले पैसे परत देण्याचा त्याचा विचार होता पण, त्याचा आणखी लॉस झाला आणि तो नैराश्यात गेला.

 मोठ्या प्रमाणावर झालेले आर्थिक नुकसान आणि त्यातून आलेले नैराश्य यामुळे १९ वर्षीय मुलाने टोकाचा निर्णय घेत आत्महत्या केली. याप्रकरणी मार्दोळ पोलिसांनी अनैसर्गिक मृत्यूची नोंद केली आहे. दरम्यान, राज्यात ऑनलाईन जुगाराच्या आहारी गेलेल्या तरुणाची संख्या वाढत आहे. याबाबत विधानसभेत देखील चिंता व्यक्त करण्यात आली होती.