वास्को: Bambolim murder: चिखली येथे 18 महिन्याच्या स्वतःच्या मुलीची राहत्या घरात हत्या करण्यात गुंतलेली आरोपी निमीषा वालसन हिला मंगळवारी वास्को पोलिसांनी बांबोळी येथील मनोरुग्ण इस्पितळातून डिस्चार्ज मिळाल्यानंतर अटक करण्यात आली.

(18 month girl killed at Chikhali accused Nimisha Valson arrested by Vasco police)

माताच बनली पोटच्या गोळ्याची वैरीण

6 ऑगस्ट रोजी एका घटनेत मातेनेच आपल्या पोटच्या गोळ्याची वैरीण बनवून तिची हत्या करण्यात धक्कादायक घटना घडली होती. आपल्या चिमुरडीला मारल्यानंतर या महिलेने झुआरी पुलावरून नदीत उडी मारून आत्महत्येचा प्रयत्न केला होता. मात्र तेथे काम करणाऱ्या काही कर्मचाऱ्यांनी तिला वाचवले व तिला इस्पितळात दाखल केले. या घटनेत संपूर्ण राज्यात खळबळ उडाली होती. संशयीत महिलेचे नाव निमिषा गोनी बालसन वय (38) असे आहे.

या महिलेच्या राहत्या घरी पोलिसांनी चौकशी केली असता काही दिवसापूर्वी जर्मनीवरून परतलेली निमिषा 6 ऑगस्ट रोजी आपल्या चिमुरडीला ठार मारल्याचे सर्वत्र वार्ता पसरली. त्यानंतर तिने स्वतःच्या हाताला इजा केली आणि नंतर आत्महत्या करण्याच्या उद्देशाने झुआरी पुलावरून उडी मारली होती. मात्र तिचा प्रयत्न फसला. त्यानंतर तिला बांबोळी येथे मनोरुग्ण इस्पितळात दाखल करण्यात आले होते.

आईवर वास्को पोलिसांनी गुन्हा दाखल केला होता. दरम्यान आरोपी निमिषा बालसन हिला काल मंगळवारी इस्पितळातून डिस्चार्ज दिला असता, वास्को पोलिसांनी तिला इस्पितळातून अटक करण्यात आल्याची माहिती वास्को पोलीस निरीक्षक कपिल नायक यांनी सांगितले.