पणजी: राज्यात कोरोनाच्या बाबतीत दिवसेंदिवस मोठा दिलासा मिळत असून गेल्या 24 तासांत एकही बळी गेला नाही. तसेच उपचारांसाठीही कोणालाही दवाखान्यात भरती केलेले नाही. कोरोना संक्रमणाचा दर 1.28 टक्के इतका खाली आला आहे. आज सक्रिय रुग्णांची संख्या 99 इतकी झाली. गेल्या 24 तासांत नवे 13 बाधित सापडले.

दरम्‍यान, राज्यात कोरोनाबाधितांचे प्रमाण कमी होत असून आज 15 जण पूर्ण मुक्त झाले. आतापर्यंत 2 लाख 45 हजार 200 नागरिकांना कोरोनाची बाधा झाली असून यापैकी 2 लाख 41 हजार 271 रुग्ण बरे झाले. हे रुग्ण बरे होण्याचे प्रमाण त्यांना 98.40 टक्के इतकेआहे. सध्या राज्यात 99 रुग्ण सक्रिय आहेत