Goa Panchayat Elections: पंचायत निवडणुकीसाठी आज उमेदवारी अर्ज भरण्याच्या पाचव्या दिवशी मुरगाव तालुक्यातील सातही पंचायतीतील १०१ इच्छुक उमेदवारांनी उमेदवारी अर्ज भरले. एकूण अर्ज संख्या १६५ झाली आहे. मुरगाव तालुक्यात पंचायत निवडणुकीसाठी आज उमेदवारी अर्ज भरण्याच्या पाचव्या दिवशी १०१ अर्ज दाखल करण्यात आले. यात सर्वाधिक २४ अर्ज कासावली पंचायतीतून दाखल झाले.

निवडणूक अधिकारी कुंदन गडेकर यांनी दिलेल्या माहितीनुसार, पंचायत नामांकनाच्या पाचव्या दिवशी मुरगाव (Murgaon) तालुक्यातील विविध सात पंचायतीमधून एकूण १०१ जणांनी अर्ज दाखल केले. आजचा दिवस कालच्या खूपच व्यस्त होता. कारण अनेक माजी सरपंच व उपसरपंच पंच व काही जणांच्या पत्नीने नामांकन दाखल केले आहे.

दरम्यान, आज नामांकित केलेले सर्वाधिक अर्ज कासावली पंचायतीतून (२४ अर्ज) दाखल झाले. कुठ्ठाळी पंचायतीतून (१२ अर्ज),चिखली पंचायतीतून (२० अर्ज),केळशी पंचायतीतून(०३ अर्ज), वेलसांव- पाले- इसोर्सि पंचायतीतून(१० अर्ज), चिकोळणा पंचायतीतून(१० अर्ज) व सांकवाळ पंचायतीतून(२२ अर्ज) दाखला करण्यात आले.