Arjun Tendulkar Dainik Gomantak
गोंयचें खेळामळ

Arjun Tendulkar: अर्जुन तेंडुलकरचा जलवा! IPLसाठी ठोठावले दरवाजे; गोव्यासाठी सलामीला फलंदाजी; गोलंदाजीतही कमाल

Syed Mushtaq Ali Trophy 2025: गोव्याने निर्धारित २० षटकांत ६ बाद १७३ धावा केल्या. ललितने पाहुणा क्रिकेटपटू या जबाबदारीला न्याय देताना ४९ चेंडूंत सहा चौकार व चार षटकारांच्या मदतीने नाबाद ८२ धावा केल्या.

गोमन्तक डिजिटल टीम

पणजी: ललित यादवची आक्रमक फलंदाजी, तसेच वासुकी कौशिक, अर्जुन तेंडुलकर, दर्शन मिसाळ यांचा प्रभावी मारा या बळावर सय्यद मुश्ताक अली करंडक टी-२० क्रिकेट स्पर्धेत गोव्याने चंडीगडवर ५२ धावांनी अफलातून विजय नोंदविला. एलिट ब गट सामना शुक्रवारी कोलकाता येथील ईडन गार्डन्स स्टेडियमवर झाला.

प्रकाशझोतात झालेल्या या लढतीत चंडीगडने नाणेफेक जिंकल्यानंतर गोव्याला प्रथम फलंदाजीचे आमंत्रण दिले. गोव्याने निर्धारित २० षटकांत ६ बाद १७३ धावा केल्या. ललितने पाहुणा क्रिकेटपटू या जबाबदारीला न्याय देताना ४९ चेंडूंत सहा चौकार व चार षटकारांच्या मदतीने नाबाद ८२ धावा केल्या.

नंतर गोव्याने चंडीगडचा डाव १९ षटकांत १२१ धावांत गुंडाळला. कौशिक व अर्जुन यांनी चंडीगडची चौथ्याच षटकात ४ बाद १० धावा अशी अतिशय नाजूक स्थिती केली. या परिस्थितीतून चंडीगडला शेवटपर्यंत सावरता आले नाही. कौशिक व अर्जुन यांनी अनुक्रमे १२ व १७ धावांत प्रत्येकी तीन, तसेच डावखुरा फिरकी गोलंदाज दर्शन यानेही तिघा फलंदाजांना बाद केले. गोव्याचा हा दोन लढतीतील पहिला विजय ठरला.

प्रथम फलंदाजी करताना एकवेळ गोव्याची सहाव्या षटकात ४ बाद ३५ अशी नाजूक स्थिती होती, कर्णधार सुयश प्रभुदेसाईचा खराब फॉर्म कायम राहिला. पहिल्याच चेंडूवर लेगस्टंपबाहेरील चेंडूवर त्याने यष्टिरक्षकाकडे झेल दिला. नंतर ललितने संघाला सावरताना चंडीगडवर प्रतिहल्ला चढविला. त्याने दीपराज गावकर (२८) याच्यासमवेत पाचव्या विकेटसाठी ५० धावांची, तर नंतर सातव्या विकेटसाठी विकास सिंग (८) याच्यासह ५४ धावांची अभेद्य भागीदारी ३.४ षटकांतच केली.

संक्षिप्त धावफलक

गोवा : २० षटकांत ६ बाद १७३ (ईशान गडेकर १३, अर्जुन तेंडुलकर १४, ललित यादव नाबाद ८२, दीपराज गावकर २८, दर्शन मिसाळ १८, विकास सिंग नाबाद ८, संदीप शर्मा ४-०-३९-२, जगजित सिंग ४-०-३३-२) वि. वि. चंडीगड : १९ षटकांत सर्वबाद १२१ (चिरागवीर धिंडसा १९, राजअंगद बावा २९, जगजित सिंग २०, वासुकी कौशिक ४-१-१२-३, अर्जुन तेंडुलकर ४-०-१७-३, दर्शन मिसाळ ४-०-२३-३, दीपराज गावकर ४-०-२३-१).

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

'पर्वरी, पर्वरी जाना नाही, ट्रॅफिक जाम है!' गाणं गाऊन प्रवाशानं दिला झटका; सोशल मीडियावर Video Viral

Shilpa Mhamal: 'मी 10 वर्षांपासून भाजपासाठी काम करीत होते, पण..'! शिल्पा म्हामल फॉरवर्डमध्ये दाखल, पक्षांतराचे दिले कारण

Rumdamol: 'रस्ते दुरुस्त केले, पण निकृष्ट दर्जाचे'! रुमडामळ पंचसदस्याची तक्रार; कंत्राटदाराचा परवाना रद्द करण्याची होतेय मागणी

Goa Bridge Audits: 30 वर्षे जुन्या पुलांचे होणार ऑडिट! CM सावंतांचे सूतोवाच; वर्षभरात धारगळ, कळणे नदीवरही साकारणार पूल

Ponda: 'अतिक्रमण हटवा, अन्यथा आंदोलन छेडू'! फोंड्यातील व्यापारी, पदाधिकाऱ्यांची पालिकेवर धडक

SCROLL FOR NEXT