पणजी: गोव्याच्या उद्देश माजिक याने जागतिक ज्युनियर ट्रायथलमध्ये भारताचे प्रतिनिधित्व करताना सांघिक प्रकारात रौप्यपदक जिंकले. गुजरातचा कुलदीपसिंग वाला व मध्य प्रदेशचा यश बाथरे संघातील उदेशचे अन्य सहकारी होते.

यूआयपीएम जागतिक बायथल, ट्रायथल, लेझर रन स्पर्धा दक्षिण आफ्रिकेत झाली. मॉडर्न पेंटॅथलॉनमध्ये उद्देशचे हे दुसरे जागतिक रौप्यपदक ठरले. गतवर्षी जूनमध्ये चीनमध्ये झालेल्या जागतिक लेझर रन स्पर्धेत रौप्यपदक जिंकलेल्या भारतीय संघाचा उदेश सदस्य होता.

पर्ये-सत्तरी येथील उद्देश याने यावर्षी झालेल्या राष्ट्रीय मॉडर्न पेंटॅथलॉन स्पर्धेत ब्राँझपदक जिंकले होते. गतवर्षी उद्देशने राष्ट्रीय लेझर रन स्पर्धेत सुवर्णपदकाची कमाई केली होती.