Rahul Keni Goa X
गोंयचें खेळामळ

Rahul Keni: गोव्याचे राहुल केणी बनले BCCIचे सामनाधिकारी! पंच परीक्षेत मिळवला सहावा क्रमांक

Rahul Keni Goa Umpire: राहुल यांनी अखिल भारतीय क्रिकेट सामनाधिकारी पंच परीक्षेत सहावा क्रमांक मिळविला. परीक्षा १७ ते १९ जून या कालावधीत झाली.

Sameer Panditrao

Goa’s Rahul Keni Becomes BCCI Match Official: गोव्याचे माजी रणजी क्रिकेटपटू राहुल केणी भारतीय क्रिकेट नियामक मंडळाचे (बीसीसीआय) सामनाधिकारी बनले आहेत. अखिल भारतीय पातळीवरील परीक्षेत उत्तीर्ण झाल्यामुळे बीसीसीआय सामनाधिकारी मंडळात त्यांचा समावेश होईल.

राहुल यांनी अखिल भारतीय क्रिकेट सामनाधिकारी पंच परीक्षेत सहावा क्रमांक मिळविला. परीक्षा १७ ते १९ जून या कालावधीत झाली. बीसीसीआय सामाधिकारी मंडळात स्थान मिळविणाऱ्या सध्याच्या कार्यरत गोमंतकीयांत ते आता सहावे ठरले आहेत. सामनाधिकारी या नात्याने गोव्याचे माजी क्रिकेटपटू बाळकृष्ण मिस्कीन, विवेक कोळंबकर, रोहित अस्नोडकर, तसेच महिलांत कृतिका नाईक व अनुपा नार्वेकर यांचा समावेश आहे. माजी रणजीपटू उदय नाईक बीसीसीआय सामनाधिकारी मंडळातून निवृत्त झाले आहेत.

सामनाधिकारी पंच परीक्षेत चांगल्या गुणांनी उत्तीर्ण झालेले राहुल यांचे गोवा क्रिकेट असोसिएशनचे अध्यक्ष, सचिव व व्यवस्थापकीय समितीने अभिनंदन केले असून त्यांना भावी कारकिर्दीसाठी शुभेच्छा दिल्या आहेत.

माजी ‘युवा आंतरराष्ट्रीय’

राहुल केणी यांनी १९ वर्षांखालील वयोगटात भारताचे प्रतिनिधित्व केले आहे. फेब्रुवारी २००५ मध्ये जमशेदपूर येथे झालेल्या पाहुण्या इंग्लंडच्या १९ वर्षांखालील संघाविरुद्ध राहुल तिसऱ्या ‘युवा कसोटी’त खेळले होते. त्या सामन्यात फलंदाजीची संधी मिळाली नाही, मात्र यष्टिरक्षक या नात्याने दोन झेल व तीन यष्टीचीतची नोंद केली होती.

त्रिशतकी भागीदारीत वाटा

यष्टिरक्षक-फलंदाज असलेल्या ३७ वर्षीय राहुल केणी यांनी रणजी करंडक क्रिकेट स्पर्धेत गोव्याचे २००९ ते २०१५ या कालावधीत प्रतिनिधित्व केले. २३ रणजी करंडक सामन्यांत त्यांनी ३०.८१च्या सरासरीने एक शतक व चार अर्धशतकांसह ८३२ धावा केल्या. शिवाय ३० झेल व पाच यष्टीचीत अशी कामगिरीही बजावली. २०१०-११ मध्ये जयपूर येथे राजस्थानविरुद्धच्या रणजी सामन्यात गोव्यातर्फे अजय रात्रा (नाबाद २०४) व राहुल केणी (नाबाद ११५) यांनी चौथ्या विकेटसाठी ३१० धावांची अभेद्य भागीदारी केली होती. राहुल यांनी २७ एकदिवसीय व १० टी-२० सामन्यांतही गोव्याचे प्रतिनिधित्व केले. निवृत्तीनंतर त्यांनी प्रशिक्षकाची जबाबदारी स्वीकारली. मागील काही वर्षांत ते १६ वर्षांखालील विजय मर्चंट करंडक क्रिकेट स्पर्धेत गोव्याच्या संघाचे प्रशिक्षक होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT