पणजी: मध्यमगती गोलंदाज चिगुरुपती व्यंकट याच्या भेदक माऱ्यासमोर छत्तीसगडची आठव्या षटकात ५ बाद २७ धावा अशी दाणादाण उडाली होती, मात्र नंतर गोव्याने पकड गमावल्यामुळे कुचबिहार करंडक १९ वर्षांखालील क्रिकेट सामन्यात यजमान संघाने १७० धावांपर्यंत मजल मारली, नंतर पहिल्या दिवसअखेर पाहुण्यांची ४ बाद ८७ अशी घसरण झाली.

एलिट ब गटातील रविवारपासून छत्तीसगडमधील भिलाई येथे सुरवात झाली. व्यंकट याने २९ धावांत ५ गडी टिपले. कर्णधार विकल्प तिवारी (५०) याच्या अर्धशतकामुळे छत्तीसगडला शतक गाठता आले, मात्र नंतर ८ बाद १०३ अशी बिकट स्थिती झाली.

नवव्या विकेटसाठी आदित्य अगरवाल (४१) व शिवम यादव (नाबाद २३) यांनी ६३ धावांची भागीदारी केल्यामुळे यजमान संघाला पावणेदोनशे धावांच्या जवळ जाता आले. गोव्याची सुरवात खराब झाली. सार्थक भिके व आदित्य कोटा हे दोघेही सलामीचे फलंदाज १८ धावांत मागे फिरले. कर्णधार यश कसवणकर (नाबाद ३७) व शंतनू नेवगी (२१) यांनी तिसऱ्या विकेटसाठी ४७ धावांची भागीदारी करून संघाला सावरले.

संक्षिप्त धावफलक : छत्तीसगड, पहिला डाव ः ६१.१ षटकांत सर्वबाद १७० (विकल्प तिवारी ५०, आदित्य अग्रवाल ४१, शिवम यादव नाबाद २३, समर्थ राणे ९-२-३६-१, चिगुरुपती व्यंकट ९-२-२९-५, यश कसवणकर २४-४-४७-२, मिहीर कुडाळकर १४-३-३४-१, शिवेन बोरकर ५.१-०-१९-१). गोवा, पहिला डाव ः २८ षटकांत ४ बाद ८७ (सार्थक भिके ७, आदित्य कोटा २, शंतनू नेवगी २१, यश कसवणकर नाबाद ३७, दिशांक मिस्कीन १५, मिहीर कुडाळकर नाबाद ०, रुद्रप्रताप देहारी २-२८).