BCCI T20 Womens League Goa Vs Haryana

पणजी: गोव्याच्या २३ वर्षांखालील महिला क्रिकेट संघाला बीसीसीआय २३ वर्षांखालील टी-२० क्रिकेट स्पर्धेत सलग तिसरा पराभव पत्करावा लागला.

छत्तीसगडमधील रायपूर येथील शहीद वीर नारायण सिंग स्टेडियमवर रविवारी झालेल्या लढतीत गोव्याला हरियानाने ३४ धावांनी हरविले. हरियानाने ७ बाद १२६ धावा केल्यानंतर गोव्यासा २० षटकांत ५ बाद ९२ धावाच करता आल्या.

स्पर्धेच्या क गटात खेळलेल्या पाच सामन्यांत गोव्याला तीन पराभव पत्करावे लागले, तर दोन विजय नोंदविले.

संक्षिप्त धावफलक ः हरियाना ः २० षटकांत ७ बाद १२६ (ज्योती यादव ४४, अन्नू गुरवालिया २७, उस्मा खान ४-०-३०-१, पूर्वा भाईडकर ४-१-१०-१, मेताली गवंडर २-०-२०-१, तनया नाईक ३-०-२५-१, पूजा निषाद ४-०-२०-१, आराधना सरोज १-०-९-०, कृपा पटेल २-०-९-०) वि. वि. गोवा ः २० षटकांत ५ बाद ९२ (कृपा पटेल ०, तनिशा गायकवाड ७, उस्मा खान २३, पूर्वा भाईडकर १२, तनया नाईक २१, हर्षदा कदम नाबाद १९, ऊर्वशी गोवेकर नाबाद ६, अमनदीप कौर २-११).