BCCI Womens T20 League: रोमहर्षक सामन्यात गोव्याचा विजय! सिक्कीमचा तीन धावांनी पराभव

BCCI Womens T20 League Goa Vs Sikkim

पणजी: कर्णधार पूर्वा भाईडकर याने टाकलेले महत्त्वपूर्ण अखेरचे षटक, तसेच उस्मा खान हिचा धारदार मारा यामुळे २३ वर्षांखालील महिला टी-२० क्रिकेट स्पर्धेत गोव्याने सिक्कीमवर तीन धावांनी निसटता विजय प्राप्त केला.

क गटातील सामना रविवारी छत्तीसगडमधील रायपूर येथील शहीद वीर नारायण सिंग स्टेडियमवर झाला. सिक्कीमने नाणेफेक जिंकून गोव्याला प्रथम फलंदाजीस पाचारण केले. गोव्याला ९ बाद ७७ धावाच करता आल्या. नंतर त्यांनी सिक्कीमला ७ बाद ७४ धावांत रोखले.

संक्षिप्त धावफलक ः गोवा ः २० षटकांत ९ बाद ७७ (तनिशा गायकवाड ०, कृपा पटेल १४, उस्मा खान २, ऊर्वशी गोवेकर ११, पूर्वा भाईडकर १३, हर्षदा कदम ३, तनया नाईक नाबाद २०, आराधना सरोज ०, पल्लवी बोडके ५, सेजल सातार्डेकर ५, लीझा २-३२, प्रियांका २-८) वि. वि. सिक्कीम ः २० षटकांत ७ बाद ७४ (युदेन १२, दीक्षा २२, लीझा १४, उस्मा खान ४-१-८-२, पूर्वा भाईडकर ४-१-१४-२, सेजल सातार्डेकर ३-०-१४-१, तनया नाईक ३-०-१२-०, भारती सावंत ३-०-१०-१, कृपा पटेल १-०-५-०, आराधना सरोज २-१-११-१).