ratan tata dog video Dainik Gomantak
मनरिजवण

रतन टाटांच्या लाडक्यानं वेधलं लक्ष! सेंट फ्रान्सिस ऑफ असिसीच्या चर्चमध्ये ‘गोवा’ची उपस्थिती ठरली भावूक; Watch Video

Ratan Tata Dog Goa Viral Video: हा कुत्रा दुसरा-तिसरा कोणी नसून, टाटा समूहाचे माजी प्रमुख रतन टाटा यांचा लाडका 'गोवा' होता

Akshata Chhatre

Ratan Tata Dog Video: रविवारची सकाळ मुंबईतील चर्चबाहेर एका असामान्य पण हृदयस्पर्शी दृश्याची साक्षीदार ठरली. ५ ऑक्टोबर रोजी सेंट फ्रान्सिस ऑफ असिसी, जो प्राण्यांचा संरक्षक संत मानला जातो, त्याच्या सणानिमित्त अनेक पाळीव प्राण्यांच्या मालकांनी आपल्या प्राण्यांना सकाळच्या खास प्रार्थनेसाठी आणि आशीर्वादासाठी आणले.

केवळ धार्मिक विधींसाठी नव्हे, तर मानवाचे आपल्या पाळीव प्राण्यांसोबतचे अनोखे नाते या मेळाव्यामुळे पुन्हा एकदा अधोरेखित झाले. या गर्दीत एका कुत्र्याने सर्वांचे लक्ष वेधले. हा कुत्रा दुसरा-तिसरा कोणी नसून, टाटा समूहाचे माजी प्रमुख रतन टाटा यांचा लाडका 'गोवा' होता.

चिरा बाजार चर्चमध्ये ‘गोवा’ला आशीर्वाद

गोवा या कुत्र्याने काळबादेवी येथील अवर लेडी ऑफ हेल्थ चर्चला भेट दिली. व्हॅनेसा डिसोझा यांच्यासोबत गोवा तेथे आला होता. व्हॅनेसा यांनी त्यांचे स्वतःचे दोन इंडी कुत्रे, शेरू आणि ख्रिस यांनाही आणले होते. फादर जोसेफ डिसोझा या धर्मगुरूने सर्व प्राण्यांना आशीर्वाद दिला. यामुळे मालक आणि त्यांच्या सोबत्यांसाठी ही सकाळ अविस्मरणीय ठरली.

रतन टाटा आणि 'गोवा'ची हृदयस्पर्शी कथा

या कुत्र्याची कथाही तितकीच भावनिक आहे. 'गोवा' हा मूळचा गोव्यात भटकणारा कुत्रा होता. रतन टाटा जेव्हा गोव्यात एका भेटीसाठी गेले होते, तेव्हा तो त्यांच्या नजरेस पडला. टाटांनी त्याला दत्तक घेण्याचा निर्णय घेतला आणि ज्या ठिकाणाहून त्याची सुटका झाली, त्या 'गोव्या'चेच नाव त्याला दिले.

काळासोबत गोवा केवळ एक पाळीव प्राणी राहिला नाही, तर तो बॉम्बे हाऊस (टाटांचे कॉर्पोरेट मुख्यालय) येथे टाटांचा विश्वासू कार्यालयीन साथीदार बनला. रतन टाटा अनेकदा सोशल मीडियावर गोवा सोबतचे भावनिक क्षण शेअर करत असत. रतन टाटा यांची प्राण्यांबद्दलची सहानुभूती केवळ स्वतःच्या पाळीव प्राण्यांपुरती मर्यादित नव्हती. पावसाळ्यात अनेक भटके कुत्रे वाहनांखाली आसरा घेतात, अशा वेळी त्यांनी त्यांचीही नेहमी काळजी घेतली.

टाटांच्या अखेरच्या क्षणापर्यंत 'गोवा' त्यांच्या जवळ होता. ९ ऑक्टोबर रोजी रतन टाटा यांचे ब्रीच कँडी रुग्णालयात निधन झाले, त्यानंतर त्यांचे पार्थिव नॅशनल सेंटर फॉर परफॉर्मिंग आर्ट्स (NCPA) येथे अंतिम दर्शनासाठी ठेवले होते. त्यावेळी गोवा श्वानही आपल्या मालकाला श्रद्धांजली वाहण्यासाठी तिथे उपस्थित होता, हे पाहून अनेकांचे डोळे पाणावले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Viral Video: फूड कॉम्बिनेशनचा डोक्याला शॉट लावणारा अजब प्रकार व्हायरल, नेटकरीही चक्रावले; व्हिडिओ पाहून तुम्हीही म्हणाल, 'हे ट्राय करु नका...'

IND vs AUS 1st T20: ऑस्ट्रेलियात 'सूर्य' तळपणार, कांगारुंना करणार सळो की पळो, हिटमॅन-किंग कोहलीचा 'तो' रेकॉर्ड निशाण्यावर?

भारताच्या ईशान्येकडील राज्यांवर 'नापाक डोळा'! बांगलादेशात दाखवले आसाम-अरुणाचल; मोहम्मद युनुस यांच्या नकाशा भेटीवरुन नवा वाद

SIR In Goa: विधानसभा निवडणुकीपूर्वी तयारी! दुसऱ्या टप्प्यात गोव्यात होणार 'एसआयआर'; निवडणूक आयोगाचा मोठा निर्णय

Women's World Cup 2025: भारतीय महिला संघाला मोठा धक्का! सलामीवीर प्रतीका रावल विश्वचषकातून बाहेर

SCROLL FOR NEXT