IFFI Goa 2024 Awards

बांबोळी: गोव्यात सुरु असलेल्या आठ दिवसीय भारतीय आंतरराष्ट्रीय चित्रपट महोत्सवाची सांगता आज (२८ नोव्हेंबर) पार पडली. सांगता समारंभात विविध पुरस्काराचे वितरण करण्यात आले. यावेळी इफ्फीत मराठीचा डंका पाहायला मिळाला. मराठी लंपन या वेब सिरिजला ओटीटी वरील उत्कृष्ट वेबसिरिजचा पुरस्कार मिळाला आहे. बांबोळी येथील इनडोअर स्टेडियममध्ये महोत्सवाचा सांगता समारंभ पार पडला.

लंपन या ओटीटी वरील वेबसिरिजला उत्कृष्ट वेबसिरिजचा पुरस्कार प्रदान करण्यात आला. भारतीय ग्रामीण जीवनावर आधारीत या चित्रपटात एक लहान मुलाच्या मानसिक आणि सामाजिक बदलाचे चित्रण करण्यात आले आहे.

ICFT UNESCO Gandhi Medal 2024

क्रॉसिंग या सिनेमाला आयसीएफटी युनेस्को गांधी मेडल पुरस्कार प्रदान करण्यात आला. इस्तानबुलच्या ट्रान्सजेंडर समुदायावर भाष्य करणाऱ्या या चित्रपटाचे दिग्दर्शन लेवन अकिन यांनी केले आहे.

अमेरिकन चित्रपट दिग्दर्शक सारा फ्रेडलँड यांना फॅमिलियर टच या चित्रपटासाठी पदार्पणातील उत्कृष्ट दिग्दर्शक पुरस्कार मिळाला आहे.

होली काऊ या चित्रपटासाठी लुईस कुरवोसर यांना स्पेशल ज्युरी पुरस्कार प्रदान करण्यात आला आहे. होली काऊ हा कॉमेडी ड्रामा फिल्म आहे.

Taxic चित्रपटासाठी वेस्ता मातुलिते आणि लेवा रुपीकाते यांना उत्कृष्टी अभिनेत्रीचा पुरस्कार प्रदान करण्यात आला आहे.

The New Year That Never Came या चित्रपटासाठी बोगदन मुरेसानू या रोमानियाच्या दिग्दर्शकाला उत्कृष्ट दिग्दर्शकाचा पुरस्कार प्रदान करण्यात आला आहे.

Who Do I Belong To या चित्रपटासाठी ट्युनिशियन अभिनेता Adam Bessa याला उत्कृष्ट अभिनेत्याचा पुरस्कार प्रदान करण्यात आला आहे.