दिल्लीचे मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल यांनी गोव्यातील जनतेला शुक्रवारी आवाहन केले की, केवळ आपली तिजोरी भरण्यासाठी सलग निवडणुका लढणाऱ्या परंपरागत पक्षांना पाठिंबा देणे थांबवावे आणि त्यांच्या सेवेसाठी प्रामाणिक पक्षाला संधी द्यावी. केजरीवालांनी (Arvind Kejriwal) दोन दिवसीय दौऱ्याच्या दुसऱ्या दिवशी शिरोडा, बाणावली, नावेली, कुठ्ठाळी आणि वेळीमधील मोठ्या जनसभेला संबोधित केले. (Bring Aam Aadmi Party To Power In Goa You Will Forget Congress And BJP Said Arvind Kejriwal)

जनसभेला संबोधित करताना केजरीवाल यांनी सत्ताधारी भाजप (BJP) आणि विरोधी पक्ष काँग्रेसवर (Congress) जोरदार निशाणा साधला, गोव्याच्या स्थितीवर कोणत्याही पक्षाने सरकार स्थापन केले तरी त्याचा परिणाम होणार नाही. "काँग्रेसने 27 वर्षे राज्य केले, तर भाजपने 15 वर्षे राज्य केले. जर तुम्ही त्यांना आणखी पाच वर्षे दिली तर काहीही बदलणार नाही. 'आप'ला एक संधी द्या," असे केजरीवाल म्हणाले.

भाजप आणि काँग्रेसवर सतत हल्ला करत दिल्लीचे मुख्यमंत्री म्हणाले की, राज्य सरकारच्या भोंगळ कारभारामुळे 24,000 कोटी रु.चे राज्यावर कर्ज आहे "तुम्ही त्यांना पुन्हा मत दिल्यास, राज्याचे कर्ज पाच वर्षांत 50,000 कोटी रुपये आणि नंतर 1 लाख कोटी रुपये होईल,"त्यांनी वचन दिले की त्यांचा पक्ष संपूर्ण कर्ज फेडेल आणि राज्याला कर्ज मुक्त करेल.

पुढे ते म्हणाले, "दोन प्रकारचे राजकारण सुरू आहे, एकीकडे तुमच्याकडे काँग्रेस आणि भाजपचे राजकारण आहे, जे लोकांच्या कराच्या पैशातून उद्योगधंदे करतात आणि तिजोरी भरतात. तुमच्याकडे 'आप'चे राजकारण आहे, जे जनतेने भरलेला कराचा पैसा विकासासाठी खर्च करत आहे.

केजरीवाल यांनी गोवावासीयांना आश्वासन दिले की, जर त्यांचा पक्ष कामगिरी करू शकला नाही तर ते पुढच्या वेळी मत मागायला येणार नाही . शिवाय, त्यांनी काँग्रेसला मतदान करणे म्हणजे भाजपला मतदान असे म्हटले. "दोघांमध्ये एक करार आहे की त्यापैकी एक पाच वर्षे आणि दुसरा पुढची पाच वर्षे सत्तेवर राहील. दोघांमध्ये एक करार आहे की एका पक्षाला एकदा लोकांची लूट करायची आणि दुसऱ्या पक्षाला लुट करण्यासाठी दुसरी संधी दिली जाते .दिल्लीने 'आप'ला संधी दिली , मला गोव्याने संधी द्यावी अशी माझी इच्छा आहे. तुम्ही इतर पक्षांना विसरून जाल,' असेही ते म्हणाले.

ते म्हणाले की, भाजप आणि काँग्रेसकडे गोव्याच्या विकासाचा किंवा गोवेकरांच्या उन्नतीचा कोणताही अजेंडा नाही. भाजप सरकारचे मंत्री नोकरी घोटाळा, वीज घोटाळा, कामगार घोटाळा, व्हेंटिलेटर घोटाळा आणि सेक्स स्कँडलच्या आरोपांनी कलंकित आहेत.

त्यांनी मतदारांना आवाहन करून सांगितले की, "यावेळी मतांचे विभाजन होऊ देऊ नका; आमच्यावर विश्वास ठेवा आणि 'आप'ला संधी द्या. 'आप'चे सरकार आल्यावर प्रत्येक कुटुंबाला पाच वर्षांत 10 लाख रुपयांचा स्पष्ट लाभ मिळेल.' सरकार मोफत वीज-पाणी, मोफत आरोग्य सेवा, मोफत तीर्थयात्रा, 3000 रुपये बेरोजगारी भत्ता आणि 18 वर्षावरील प्रत्येक महिलेला 1000 रुपये मासिक भत्ता देईल.

पुढे ते म्हणाले, आम्ही दिल्लीत जे वचन दिले ते आम्ही पाळले . आम्ही दिल्लीत चांगल्या सरकारी शाळा आणि रुग्णालये दिली आहेत आणि आम्ही येथेही करू".

आपचे शिरोडाचे उमेदवार महादेव नाईक म्हणाले, "विकासाच्या नावाखाली काँग्रेसमधून भाजपमध्ये आलेल्या सुभाष शिरोडकरांनी पाच वर्षांत काय केले? त्यांनी केवळ स्वत:च्या विकासासाठी काम केले आणि शिरोडावासीयांची लूट केली. शिरोड्यातील तरुणांची गेल्या पाच वर्षांपासून फसवणूक होत आहे. ही निवडणूक महत्त्वाची असून, लोकांसमोर चांगला पर्याय आहेत.

आप बाणावली उमेदवार कॅप्टन व्हेन्झी व्हिएगास म्हणाले, "बाणावली व्यापारी समुदाय 'हफ्ता आणि 'दादागिरी'ला कंटाळला असल्याने, मी त्यांना वचन देतो की जर 'आप' निवडून आले तर मी व्यवसायासाठी अनुकूल वातावरण निर्माण करीन. कोविडच्या काळात अनेक नाविकांनी त्यांचे उत्पन्न गमावले, तरीही त्यांना कोणतीही भरपाई मिळाली नाही. आप सत्तेवर निवडून आल्यास मी नाविकांसाठी सामाजिक सुरक्षा योजना सुनिश्चित करीन."

आप नावेलीच्या उमेदवार प्रतिमा कुतिन्हो म्हणाल्या, "गॅस सिलिंडरचे दर हजार रुपयांवर गेले आहेत, तर पेट्रोलचे दर 100 रुपयांवर गेले आहेत. गोव्यात आता प्रत्येकी 5000 रुपये वीज आणि पाण्याचे बिल आहे. याउलट काँग्रेस आणि भाजप कोण आहेत. स्वयं-विकासासाठी काम करणारे पक्ष , आप हा सामान्य लोकांचा पक्ष आहे आणि सामान्य लोकांच्या समस्या सोडवण्यासाठी नेहमीच प्रयत्नशील असतो."

आप कुठ्ठाळी च्या उमेदवार अलिना साल्धाना म्हणाल्या, "आप ने अवघ्या सहा वर्षात दिल्लीचा कायापालट केला आहे. आरोग्य आणि शिक्षणाच्या पायाभूत सुविधा अत्याधुनिक तंत्रज्ञानाने विकसित केल्या आहेत. दिल्लीच्या आधुनिक शाळा आणि आरोग्य सेवेची सर्वात चांगली गोष्ट म्हणजे ती सामान्य लोकांना पुरवते. आप दिल्लीकरांना मोफत वीज, पाणी, शिक्षण आणि वैद्यकीय सेवा प्रदान करते. भ्रष्टाचार संपवून ते मोफत सेवांद्वारे करदात्यांचे पैसे परत करत आहेत. कुठ्ठाळी मध्येही असाच कारभार हवा आहे. मी लोकांना सुशासनासाठी 'आप'ला मतदान करण्याचे आवाहन करते ."

आप वेळीचे उमेदवार क्रुझ सिल्वा म्हणाले, "इतर पक्ष या महिन्याच्या सुरुवातीला तिकिटांवर लढत होते, तर आप मतदारसंघांच्या दृष्टीकोनाची रूपरेषा आखण्यात व्यस्त होते. विकासाच्या नावाखाली गेल्या निवडणुकीत काँग्रेसमधून भाजपमध्ये गेलेले फिलिप नेरी रॉड्रिग्स. आरोग्य सेवा देण्यात अयशस्वी झालो. माझा मतदारसंघ जपण्याबरोबरच तरुणांच्या भल्यासाठी मी खात्री करून घेईन. 3 किमीच्या परिघात प्रत्येक गावात मोहल्ला क्लिनिक तसेच वेळी मध्ये 50 खाटांची वैद्यकीय सुविधा सुरू करण्याचा माझा मानस आहे.