दिल्लीचे मुख्यमंत्री आणि आपचे संयोजक अरविंद केजरीवाल यांनी मंगळवारी (21 डिसेंबर) गोव्यातील तरुणांना नोकरी मिळेपर्यंत त्यांना दरमहा 3000 रुपये बेरोजगार भत्ता देण्याचे आश्वासन दिले आहे. केजरीवाल म्हणाले, "आम्ही तरुणांना नोकऱ्या देऊ आणि जोपर्यंत त्यांना नोकऱ्या मिळत नाहीत तोपर्यंत दरमहा 3000 रुपये बेरोजगारी भत्ता देऊ."

दिल्लीचे मुख्यमंत्री आणि आम आदमी पक्षाचे (आप) सुप्रीमो अरविंद केजरीवाल, सध्या दोन दिवसीय गोव्याच्या दौऱ्यावर असून, पुढील वर्षी होणाऱ्या विधानसभा निवडणुकीत त्यांचा पक्ष सत्तेवर आल्यास भ्रष्टाचारमुक्त राज्याचे आश्वासन नागरिकांना दिले आहे.

मंगळवार, 21 डिसेंबर रोजी पणजी येथे एका सार्वजनिक मेळाव्याला संबोधित करताना, केजरीवाल यांनी काँग्रेस (Congress) आणि भारतीय जनता पक्ष (BJP) यांच्यावरही टीका केली आणि आरोप केला की दोघांचे राज्यासाठी वाईट हेतू आहेत. त्यांच्या निवडणूक (Election) आश्वासनांच्या लांबलचक यादीमध्ये राज्यातील खाणकाम पुन्हा सुरू करण्याचाही समावेश आहे, ज्याबद्दल दिल्लीच्या मुख्यमंत्र्यांनी सांगितले की त्यांच्या निवडणुकीतील विजयानंतर सहा महिन्यांत खाणकाम सुरू केले जाईल.

त्यांच्या विरोधकांवर जोरदार हल्ला चढवत केजरीवाल यांनी गोव्याला 'थर्ड क्लास' राजकारणी चालवणारे 'प्रथम दर्जाचे' राज्य म्हटले. भ्रष्टाचार सोडून इतर पक्षांकडून काय मिळाले, असा सवाल करत त्यांनी गोव्यात पहिले भ्रष्टाचारमुक्त सरकार बनवण्याची शपथ घेतली.

'आप'च्या संयोजकांनी आजपासून दोन दिवसीय गोवा (goa) दौऱ्याला सुरुवात केली आहे. 2022 च्या सुरुवातीला गोवा विधानसभेच्या निवडणुका (Assembly Election) होणार आहेत. यापूर्वी, दिल्लीच्या मुख्यमंत्र्यांनी पंजाब आणि उत्तराखंड राज्यातील 18 वर्षांपेक्षा जास्त वयाच्या महिलांसाठी दरमहा 1000 रुपये मदत भत्ता देण्याचे आश्वासन दिले आहे.