Gudi Padwa Celebration in Goa: गुढी पाडवा म्हणजे म्हणजे हिंदू नवीन वर्षाचा पहिला दिवस. या दिवसापासून नवीन वर्ष सुरु होतं. असं म्हणतात वर्षाच्या पहिल्या दिवशी आपण जसं वागतो तेच वर्षभर केलं जातं म्हणून सणाच्या या दिवशी चांगलं वागावं, इतरांशी गोड बोलावं असं म्हणतात. गुढी पाडवा म्हणजे हिंदू शास्त्रानुसार चैत्र शुद्ध प्रतिपदेचा दिवस. वर्षाची पहिली तिथी. इंग्रजी कॅलेंडरमध्ये जशा तारखा असतात त्याचप्रमाणे मराठीमध्ये तिथीची परंपरा आहे. पण तुम्हाला माहितीये का गोव्यात सुद्धा हा सण अगदी उत्साहात साजरा केला जातो, पण कसा? चला पाहुयात...

कसा असतो गोव्यातील पाडवा?

गोव्यात गुढी पाडव्याला संसार पाडवा असं म्हणतात आणि हिंदू धर्मानुसार साडे तीन शुभ मुहूर्ताप्रमाणे एक असं याला मानलं जातं. या दिवसापासून सूर्य ट्रॉपिकल कँसरच्या जवळ येऊ लागतो आणि दिवस मोठे व्हायला सुरुवात होते. या दिवशी सकाळी लवकर उठून अजूनही स्त्रिया अंगण झाडून-पासून स्वच्छ करतात.

काही ठिकाणी आजही शेणाच्या जमिनी पाहायला मिळतात जिथे शेण सारवून रांगोळी काढली जाते. बाकी ठिकाणांप्रमाणेच गोव्यात देखील गुढी उभारण्याची परंपरा आहे. या गुढीला रेशमी वस्त्र चढवली जातात, फुलं आणि कडुलिंबाची माळ सोबत जोडली जाते आणि यासोबत असतो तो म्हणजे आंब्याचा टाळा. कोंकणी भाषेत याला घुडी उबारप असं म्हणतात, या गुढीवर तांब्या लावून नवीन वर्षाची सुरूवात केली जाते.

कडुलिंबाचे महत्व काय?

तुम्ही अनेक ठिकाणी कडुलिंबाच्या या दिवशी विशेष महत्व असल्याचं पाहिलं असेल. कडुलिंबाचा आयुर्वेदात औषधी उपाय देखील सांगितलं गेलाय. या काळात आजूबाजूला उष्णता वाढलेली असते आणि अशात स्थितीत कडुलिंब महत्वाचा ठरतो. कडुलिंबाच्या रक्त्त शुद्धीचे गुण आहेत आणि म्हणूनच या काळात कडुलिंबाची पानं घालून पाणी ग्राम करत अंघोळ केली जाते, जेवणाच्या ताटात गोड, आंबट, तिखट आणि कडू असे सर्व पदार्थ असावे म्हणून कडुलिंबाला या सणाच्या दिवशी महत्वाचं स्थान आहे. वर्षभर जिभेचे लाड न करता आपल्या शरीराला काय गुणकारी ते सेवन करावं असा त्याचा उद्देश असावा.