तुम्हाला माहिती आहे का लोकसंख्येनुसार जगातील 20 सर्वात मोठी शहरे कोणती आहेत? वर्ल्ड ऑफ स्टॅटिस्टिक्सने आपल्या ट्विटर हँडलवर याबाबतची माहिती शेअर केली आहे.

या आकडेवारीनुसार, लोकसंख्येनुसार जगातील सर्वात मोठे शहर जपानचे टोकियो-योकोहामा आहे. येथील लोकसंख्या 37.73 दशलक्ष आहे.

इंडोनेशियाचे जकार्ता शहर दुसऱ्या क्रमांकावर आहे, ज्याची लोकसंख्या 33.75 दशलक्ष आहे. भारताची राजधानी दिल्ली 32.22 दशलक्ष लोकसंख्येसह तिसऱ्या क्रमांकावर आहे.

दरम्यान, या क्रमवारीत चौथ्या क्रमांकावर 26.94 दशलक्ष लोकसंख्या असलेले ग्वांगझो फोशान आणि पाचव्या क्रमांकावर भारतातील (India) मुंबई शहर आहे, ज्याची लोकसंख्या 24.97 दशलक्ष आहे. मनिला 24.92 दशलक्षांसह सहाव्या क्रमांकावर आणि 24.07 दशलक्षांसह शांघाय सातव्या क्रमांकावर आहे.

23.08 दशलक्षांसह साओ पाउलो आठव्या क्रमांकावर आणि 23.01 दशलक्षांसह सोल-इंचॉन नवव्या क्रमांकावर आहे. दहाव्या क्रमांकावर मेक्सिको सिटी आहे, ज्याची लोकसंख्या 21.80 दशलक्ष आहे.

न्यूयॉर्क आणि बीजिंगची लोकसंख्या किती आहे?

दुसरीकडे, न्यूयॉर्कची लोकसंख्या 21.50 दशलक्ष, कैरो- लोकसंख्या 20.29 दशलक्ष, ढाका- लोकसंख्या 18.62 दशलक्ष बीजिंग- लोकसंख्या 18.52 दशलक्ष, कोलकाता- लोकसंख्या 18.50 दशलक्ष, बँकॉक- लोकसंख्या 18.00 दशलक्ष, शेन्झेन-लोकसंख्या 17.61 दशलक्ष, मॉस्को (Moscow)-लोकसंख्या 17.33 दशलक्ष, ब्यूनस आयर्स लागोसची लोकसंख्या 16.61 दशलक्ष एवढी आहे.