Separation Marriage: जगभरात लग्न मोडण्याचे प्रमाण झपाट्याने वाढले आहे. लग्नाला साता जन्माचे बंधन मानल्या जाणाऱ्या भारतातही घटस्फोटाच्या बातम्या रोज समोर येत आहेत.
प्यू रिसर्च सेंटरच्या अलीकडील अहवालात असा दावा करण्यात आला आहे की, अमेरिकेतील सुमारे 50% विवाह घटस्फोटामुळे मोडतात. 1960 पासून वाढलेला घटस्फोटाचा हा ट्रेंड प्रत्येक खंडात दिसून येत आहे.
संशोधनानुसार, मालदीवसारख्या छोट्या देशातही घटस्फोटाचे प्रमाण जास्त आहे. रशिया, अमेरिका, कॅनडा, जॉर्जिया, चीन, युक्रेन, जपान आणि कोस्टा रिका असे अनेक देश आहेत, जिथे घटस्फोटाच्या घटना वाढत आहेत.
अमेरिका (America) आणि कॅनडामध्ये 40-50 टक्के विवाह घटस्फोटामुळे मोडतात, तर जपानमध्ये हे प्रमाण केवळ 1.2% आहे.
जपानमध्ये (Japan) घटस्फोटाचे प्रमाण कमी आहे, परंतु येथून सुरु झालेला विभक्त होण्याचा ट्रेंड जगातील अनेक देशांमध्ये पाहायला मिळत आहे. खरे तर, शेकडो जपानी जोडपी एकाच शहरात राहूनही वेगळी राहतात आणि वीकेंडला भेटतात.
असे मानले जाते की, यामुळे तणाव आणि घटस्फोटाचे प्रमाण दोन्ही कमी होऊ शकते. जपानी लोकांना या सूत्राला एक नाव दिले आहे. याला 'सोत्सुकोन' म्हणतात, ज्यामध्ये एक जोडपे कायदेशीररित्या विवाहित असूनही स्वतंत्र जीवन जगते.
अशा विवाहांचे समर्थक म्हणतात की, जपानी लोक एकमेकांना स्पेस देण्यावर विश्वास ठेवतात. पती-पत्नीच्या नात्यातील ही स्पेस टिकवून ठेवण्यासाठी येथे नवा प्रयोग केला जात आहे.
यामध्ये हे जोडपे लग्नानंतरही बहुतांश वेळ वेगळे राहत आहेत. जेणेकरुन त्यांची प्रायव्हसी आणि स्वातंत्र्य राखले जाईल, तर त्यांच्यातील प्रेम देखील अबाधित राहू शकेल.
तथापि, घटस्फोटाचे प्रमाण कमी करण्यासाठी हा ट्रेंड खरोखर प्रभावी आहे की, नाही, यासंबंधी सध्या अधिकृत आकडेवारी उपलब्ध नाही.
सेपरेशन मॅरेज ही अशी व्यवस्था आहे, ज्यामध्ये विवाहित जोडपे एकत्र राहूनही वेगळे राहतात. कोणत्याही संघर्षाची वाट न पाहता तो असा निर्णय घेत आहे. याला सहमती देणारे जोडपे एकाच शहरात किंवा वेगवेगळ्या शहरात वेगळ्या ठिकाणी राहू लागतात.
सुख-दु:ख शेअर करण्यासोबतच ते एकमेकांचा खर्चही शेअर करतात. सेपरेशन मॅरेजमध्ये, जोडपे ठराविक कालावधीनंतर भेटतात आणि काही दिवस एकत्र राहतात. या दरम्यान, सामान्य पती-पत्नीमध्ये घडणाऱ्या सर्व गोष्टींवर चर्चा केली जाते.
भविष्यातील बचत, विमा पॉलिसी, घरातील मोलकरणींच्या काळजीपासून ते मुलांच्या शिक्षणापर्यंत प्रत्येक विषयावर चर्चा केली जाते. पण हे सर्व फक्त वीकेंडलाच घडते, इमर्जन्सी असेल तेव्हाच जोडपे भेटतात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.