संपुर्ण जग हे रशिया-युक्रेन युद्धामूळे होत असलेल्या जीवित आणि अर्थिक हानीच्या झळा सोसत आहे. तर दुसऱ्या बाजूला रशिया-युक्रेन युद्ध संपायला तयार नाही. या युद्धामध्ये जगभरातील अनेक राष्ट्रे आपआपली भुमिका घेत आहेत. यावरच धाडसी वक्तव्य करत रशियाचे राष्ट्राध्यक्ष व्लादिमीर पुतिन यांनी रशिया-युक्रेन युद्धात 'हस्तक्षेप खपवून घेणार नाही असं स्पष्ट केलं आहे.

( Vladimir Putin says We will attack the countries that support Ukraine )

रशियाकडून युक्रेनवर होत असलेल्या हल्ल्यांदरम्यान पुतिन यांनी पाश्चात्य देशांना इशारा दिला आहे. आमच्या स्पेशल ऑपरेशनमध्ये कोणत्याही पाश्चात्य देशाने हस्तक्षेप करण्याचा प्रयत्न केल्यास रशिया त्या देशांवर हल्ला करण्यास मागेपुढे पाहणार नाही, असे पुतीन यांनी म्हटले आहे. युक्रेनविरुद्धच्या युद्धात कोणत्याही देशाने हस्तक्षेप केल्यास हल्ला करण्याची धमकी पुतिन यांनी दिली आहे. तसेच युद्धात हस्तक्षेप करण्‍याचा निर्णय घेणाऱ्या देशांवर तात्काळ हल्ला करण्‍याची सर्व साधने रशियाकडे आहेत असही त्यांनी यावेळी म्हटलं आहे.

युक्रेनविरुद्ध सुरू असलेल्या आमच्या युद्धात हस्तक्षेप करून रशियाला धोका निर्माण करण्याचा कोणाचा हेतू असेल, तर ते आम्हाला मान्य नाही, असे पुतीन म्हणाले. असे झाले तर आम्ही त्या देशांना प्रत्युत्तर देऊ. पुतिन म्हणाले की, हे करण्यासाठी आमच्याकडे पुरेशी शस्त्रे आहेत. ते म्हणाले की, आम्हाला गर्व नाही, पण गरज पडली तर आम्ही त्याचा वापर करू जेणेकरून सर्वांना याची माहिती होईल.