Viral Crocodile Video: ऑस्ट्रेलियात जगातील काही सर्वात धोकादायक आणि महाकाय मगरमच्छ आढळतात. येथील काकाडू नॅशनल पार्कमध्ये नुकतीच अशीच एक थरारक घटना घडली, ज्याचा व्हिडीओ सोशल मीडियावर (Social Midea) तुफान व्हायरल होत आहे. या घटनेत नदी पार करत असलेल्या एका पिकअप ट्रकसोबत नेमके काय घडले, ते पाहून सारेच थक्क झाले.

आधी हा व्हिडिओ पाहा!

नदीत पिकअप ट्रक आणि मगरमच्छ

दरम्यान, व्हायरल झालेल्या व्हिडीओमध्ये एक काळ्या रंगाचा पिकअप ट्रक नदीतून (River) पार होताना दिसत आहे. हा ट्रक हळू-हळू पुढे सरकत असताना, अचानक पाण्याच्या खाली एक मोठा मगरमच्छ दिसतो. हा मगरमच्छ गाडीच्या खाली (Under the vehicle) अडकलेला दिसतो आणि त्याचे तोंड उघडे असल्याचेही व्हिडिओत स्पष्ट दिसते.

काहीतरी विचित्र घडत असल्याचा अंदाज आल्याने ट्रकचालक (Truck Driver) गाडी थांबवतो. त्याचवेळी, तो मगरमच्छ मागे वळतो आणि पुन्हा नदीच्या पाण्यात निघून जातो. या घटनेत मगरमच्छाला कोणतीही गंभीर इजा झाली नाही असे दिसते. हा संपूर्ण थरारक व्हिडीओ '@clowndownunder' नावाच्या 'एक्स' (X) युझरने शेअर केला.

काकाडू नॅशनल पार्कमध्ये मगरमच्छांची मोठी संख्या

काकाडू नॅशनल पार्कमधील 'काहिल्स क्रॉसिंग' (Cahills Crossing) हे मगरमच्छांच्या मोठ्या संख्येसाठी प्रसिद्ध आहे. येथे प्रति किलोमीटर 5 ते 9 मगरमच्छ असल्याचा अंदाज आहे. हा परिसर माणूस आणि मगरमच्छ यांच्यातील धोकादायक संघर्षांमुळे नेहमीच चर्चेत असतो. काही दिवसांपूर्वीच, याच क्रॉसिंगवरुन वाहन वाहून गेल्यानंतर 2 लोकांना वाचवण्यात आले होते.

येथे येणाऱ्या लोकांसाठी प्रशासनाने धोक्याची सूचना (Warning) आधीच दिली आहे. निष्काळजीपणामुळे गंभीर जखमा किंवा मृत्यूही होऊ शकतो, असे सांगण्यात आले आहे. स्थानिक लोकांच्या मते, हा परिसर खूप धोकादायक आहे, कारण येथे नेहमीच मगरमच्छ आसपास असतात.