Violence In Haiti: कॅरेबियन देश हैतीमध्ये गेल्या अनेक दिवसांपासून सुरु असलेल्या हिंसाचाराने आता रौद्र रुप धारण केले आहे.

सध्या तिथे गॅंगवार वाढत आहे. या रक्तरंजित संघर्षात आतापर्यंत शेकडो लोक मारले गेले आहेत. हैतीमध्ये हिंसाचार आणि झपाट्याने बिघडत चाललेल्या परिस्थितीच्या दरम्यान,

मानवाधिकार उच्चायुक्त कार्यालयाने सांगितले की, सामूहिक हिंसाचारात 530 हून अधिक लोक मारले गेले आहेत.

मानवाधिकार उच्चायुक्त कार्यालयाने जारी केलेल्या निवेदनानुसार, 15 मार्चपर्यंत, टोळींशी संबंधित घटनांमध्ये, प्रामुख्याने राजधानी पोर्ट-ऑ-प्रिन्समध्ये एकूण 531 लोक मारले गेले, तर 300 जखमी झाले आणि 277 जणांचे अपहरण झाले.

OHCHR ने हैतीमधील हिंसाचाराबद्दल चिंता व्यक्त केली

माहितीनुसार, हुर्टॅडो यांनी एका निवेदनात म्हटले आहे की, OHCHR ने हैतीमध्ये होत असलेल्या हिंसाचारावर चिंता व्यक्त केली आहे. ते म्हणाले की, हैतीमध्ये नियंत्रणाबाहेर होत असलेल्या हिंसाचाराबद्दल आम्ही "खूप चिंतित" आहेत.

ते पुढे म्हणाले की, अधिक हिंसक आणि वारंवार होत आहेत, कारण ते प्रतिस्पर्ध्यांच्या नियंत्रणाखाली असलेल्या भागात राहणाऱ्या लोकांना ठार मारतात. ते त्यांचा विस्तार करण्याचा प्रयत्न करतात.

नवीन वर्षाच्या सुरुवातीपासून ते 15 मार्चपर्यंत टोळीशी संबंधित घटनांमध्ये एकूण 531 लोक मारले गेले, 300 जखमी झाले आणि 277 जणांचे अपहरण झाले, असेही ते म्हणाले

मार्चच्या पहिल्या दोन आठवड्यात टोळी संघर्षात 208 ठार

केवळ मार्चच्या पहिल्या दोन आठवड्यात टोळ्यांमधील संघर्षात किमान 208 ठार, 164 जखमी आणि 101 जणांचे अपहरण झाले, असे OHCHR प्रवक्त्याने सांगितले.

बहुतेक बळी हे स्निपरद्वारे मारले गेले किंवा जखमी झाले, जे लोकांच्या घरांमध्ये किंवा रस्त्यावर अनियंत्रितपणे गोळीबार करत होते. महिला (Women) आणि मुलींवरील लैंगिक हिंसाचाराचा वापर

टोळ्यांद्वारे लोकसंख्येला दहशत, वश करण्यासाठी आणि शिक्षा देण्यासाठी देखील केला जातो. टोळीचे लोक अनेकदा अपहरण केलेल्या मुलींवर (Girls) लैंगिक हिंसाचार करुन कुटुंबांना खंडणीसाठी दबाव आणतात.