जगभरात आता 'डेल्टा' (Delta) या कोरोनाच्या अत्यंत संसर्गजन्य प्रकारामुळे कोरोनाचा नाश करण्याच्या अमेरिकेच्या (America) प्रयत्नांना मोठे अपयश आले असल्याचा इशारा व्हाइट हाऊसचे मुख्य वैद्यकीय सल्लागार डॉ. अ‍ॅन्थनी फौची (Anthony fauci) यांनी दिला आहे. डेल्टा हा कोरोनाचा प्रकार पहिल्यांदा भारतात (india) आढळला असून अमेरिकेतील 20 टक्क्यांहून अधिक जणांना त्याची लागण झाली आहे. गेल्या दोन आठवड्यांपूर्वी हे प्रमाण केवळ 10 टक्के एवढेच होते, असेही डॉ. फौची यांनी मंगळवारी कोरोना स्थितीच्या आढाव्यासंबंधी माहिती देताना स्पष्ट केले.

संयुक्त राष्ट्र संघाच्या सरचिटणीसपदी पुन्हा 'अ‍ॅन्टोनियो गुटेरस'

तसेच ब्रिटनमध्ये (Britain) सध्या हीच परिस्थिती असून डेल्टा प्रकारामुळे अमेरिकेच्या कोरोना समूळपणे नाश करण्याचा प्रयत्नांना मोठा झाला आहे. तथापि अमेरिकेमधील कोरोना लसी डेल्टा प्रकाराविरुध्द परिणामकारक आहेत ही मात्र आनंदाची बाब आहे, असेही फौची यांनी यावेळी माध्यमाशी बोलताना सांगितले. (US efforts to destroy corona due to Delta fail)

डेल्टाचा मुकाबला करण्यासाठी आपल्याकडे प्रभावी हत्यार आहे, त्यामुळे त्याचा वापर करा आणि डेल्टाच्या प्रादुर्भावाला संपवून टाका, असेही ते यावेळी म्हणाले. ब्रिटनमध्ये डेल्टा या प्रकारने सध्या अल्फा (Alpha) या कोरोनाच्या दुसऱ्या प्रकारालाही मागे सोडले आहे.