Turkey Earthquake: तुर्कीत सोमवारी म्हणजेच 6 फेब्रुवारीला मोठा भूकंप झाला. सकाळी आलेल्या भूकंपामुळे अनेक इमारती कोसळल्या. या मोठ्या दुर्घटनेत 200 नागरिक ठार तर 500 हून अधिक जखमी झाले आहेत.
भूकंपाचा केंद्रबिंदू दक्षिण तुर्कीत असून सिरीया, लेबनान, सिपरस, जॉर्डन, इजिप्त आणि इजराइलला देशातही भूकंपाचे धक्के जाणावले आहे. तब्बल 7.8 रिष्टर स्केलची तीव्रता या भूकंपाची नोंदवली गेली.
तुर्कस्तानच्या नुरदगीपासून 23 किमी पूर्वेला भूकंपाचे जोरदार धक्के बसले आहे. स्थानिक वेळेनुसार हा भूकंप पहाटे 4 च्या सुमारास भूगर्भात 19.9 किमी खोलीवर झाला. अमेरिकन जियोलॉजिकल सर्विसने दिलेल्या माहितीनुसार तुर्कस्तान आणि सीरियामध्ये या भूकंपामुळे मोठी हानी होण्याची शक्यता आहे.
तुर्कीच्या प्रशासनाने हाय अलर्ट दिला आहे. या ठिकाणी बचाव कार्य सुरू करण्यात आले आहेत. इमारातींच्या ढीगऱ्याखाली अनेक नागरिक दगावल्याची भीती व्यक्त केली जात आहे. भूकंपाचे अनेक व्हिडिओ पुढे आले आहेत. यात मोठे नुकसान झाले असल्याचे दिसत आहे. येथील सनली उर्फ येथील महापौरने दिलेल्या महितीनुसार 16 इमारती या कोसळल्या आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.