Minor Boy Shoots Dead 3 People in Mall in Bangkok: थायलंडमधून एक धक्कादायक बातमी समोर येत आहे. बँकॉकमधील एका लक्झरी मॉलमध्ये मंगळवारी गोळीबार झाल्याच्या घटनेने खळबळ उडाली आहे.

या गोळीबारात चार जणांचा मृत्यू झाला आहे. दुसरीकडे, गोळीबाराच्या आरोपाखाली सुरक्षा कर्मचाऱ्यांनी एका 14 वर्षांच्या मुलाला अटक केली आहे. दरम्यान, थायलंडच्या पंतप्रधानांनी या घटनेवर शोक व्यक्त करत चौकशीचे आदेश दिले आहेत.

सुरक्षा कर्मचाऱ्यांनी हल्लेखोराला पकडले

मीडिया रिपोर्टनुसार, सोशल मीडियावर (Social Media) दोन फोटो शेअर करण्यात आले आहेत. या फोटोंमध्ये पोलीस कर्मचार्‍यांनी मुलाला जमिनीवर झोपवले आहे. त्याला बेड्या घालण्यात आल्या आहेत. दुसरीकडे, या घटनेनंतर बँकॉकच्या तपास यंत्रणांनी तपास सुरु केला आहे.

पोलिसांनी पोस्ट शेअर केली

बँकॉकच्या मेट्रोपॉलिटन पोलिस डिटेक्टिव्ह विभागाने सियाम पॅरागॉन मॉलमधील आरोपीच्या अटकेबाबत फेसबुकवर अपडेट शेअर केल्याचे अहवालात म्हटले आहे.

याआधी, तिथल्या सेंट्रल ब्युरो ऑफ इन्व्हेस्टिगेशनने आपल्या फेसबुक पेजवर खाकी कार्गो पॅंट आणि बेसबॉल कॅप घातलेल्या व्यक्तीचा अस्पष्ट फोटो पोस्ट केला होता.

पंतप्रधानांनी शोक व्यक्त केला

सोशल मीडियावरील व्हिडिओंमध्ये गोंधळाची दृश्ये दिसून आली. लहान मुलांसह लोक मॉलमधून बाहेर पडण्यासाठी धडपडत आहेत. दुसरीकडे, सुरक्षा रक्षकही त्यांना परिसर सोडण्यास मदत करत आहेत.

या घटनेवर चिंता व्यक्त करताना पंतप्रधान श्रेथा थाविसिन यांनी सांगितले की, मला सियाम पॅरागॉन येथे झालेल्या गोळीबाराच्या घटनेची माहिती आहे. मी पोलिसांना (Police) तपासाचे आदेश दिले आहेत. मला सार्वजनिक सुरक्षिततेची काळजी आहे.