अमेरिकेमधील (America) ब्रुकलिन शहरातील सबवे स्टेशनवर झालेल्या गोळीबारामुळे मंगळवारी एकच खळबळ उडाली. वृत्तानुसार, स्टेशनवर स्फोटकेही सापडली आहेत. लोकांनी ट्विट केलेल्या फोटोमध्ये प्रवाशांचे रक्ताने माखलेले कपडे दिसत आहेत. हल्ल्याच्या ठिकाणी स्फोटकेही सापडल्याचे इतर काही वृत्तांमध्ये म्हटले आहे. सकाळच्या सर्वात वर्दळीच्या वेळी ही घटना घडली आहे.

दरम्यान, न्यूयॉर्क पोलिसांनी (Police) ट्विट करत स्पष्ट केलयं की, "तपासणीसाठी ब्रुकलिनमधील 36 व्या स्ट्रीट आणि 4th एवेन्‍यू भागात जाणे टाळा." एका सोशल मीडिया यूजर्सने, सबवेचा व्हिडिओ ट्विट केला आहे, जिथे गोळीबार झाला. व्हिडिओमध्ये धूर निघताना दिसू येत आहे.

याशिवाय, हा दहशतवादी हल्ला होता की नाही याची अद्याप प्रशासनाने पुष्टी केलेली नाही. सोशल मीडियावरील काही फोटोंमध्ये ब्रुकलिनमधील सबवेवर रक्त पडलेले दिसून येत आहे. अनेक ट्विटर युजर्संनी हा दहशतवादी हल्ला असू शकतो अशी भीती व्यक्त केली आहे. NY1 नुसार, संशयिताने बांधकाम कामगाराचा गणवेश परिधान केला होता.