Pakistan Political Crisis: पाकिस्तानच्या खैबर पख्तुनख्वामधील स्वात खोऱ्यावर तालिबानने पुन्हा ताबा मिळवला आहे. अफगाणिस्तानातील तालिबान आणि तहरीक-ए-तालिबान पाकिस्तान (टीटीपी) या संघटनांनी स्वातवर ताबा मिळवल्याचे वृत्त 'पाकिस्तान मिलिटरी मॉनिटर'ने दिले आहे.
लवकरच या दहशतवादी संघटना या सुंदर खोऱ्यात आपले दहशतवादी तळ उभारु शकतात. पाकिस्तानच्या स्वात व्हॅलीला पाकिस्तानचे 'स्वित्झर्लंड' देखील म्हणतात.
नुकत्याच झालेल्या बॉम्बस्फोटात पोलीस (Police) अधिकारी आणि नागरिकांचा बळी गेल्यापासून स्वात खोऱ्यात दहशतीचे आणि अनिश्चिततेचे वातावरण आहे. या संघटना खोऱ्यावर ताबा मिळवतील आणि दहशतवादी तळ उभारतील अशी भीती लोकांना वाटते.
तालिबानने ताबा घेतल्यानंतर पाकिस्तानचे स्वित्झर्लंड पूर्णपणे उद्ध्वस्त होईल, अशी भीतीही लोकांना वाटते. 'द पाकिस्तान मिलिटरी मॉनिटर'च्या म्हणण्यानुसार, मुल्ला फझलुल्लाह आणि त्याच्या तालिबानी कमांडरनी सुमारे 15 वर्षांपूर्वी केलेले अत्याचार आठवले की, लोकांच्या अंगावर आजही काटा उभा राहतो.
मिंगोरा शहर आणि ग्रीन स्क्वेअर दरम्यानच्या भागाला स्थानिक लोक "रक्तरंजित क्रॉसरोड्स" म्हणतात, कारण तालिबान येथे त्यांच्या शत्रूंचे डोके लटकवत असत.
नोबेल पारितोषिक विजेती मलाला युसुफझाई या ठिकाणी तालिबानच्या क्रूरतेची शिकार झाली होती. येथे मुलींच्या शाळांवर स्फोट होणे सामान्य आहे. स्वात आणि आसपासच्या जिल्ह्यात एकूण 640 शाळा उद्ध्वस्त झाल्या.
'द पाकिस्तान मिलिटरी मॉनिटर'च्या मते, एक दशकापूर्वी, लाखो स्वात रहिवासी विस्थापित झाले होते, ज्यांना सरकारने (Government) पाठिंबा दिला नव्हता. त्या काळात पेशावरच्या स्वाबी, मर्दान, चारसद्दा आणि आजूबाजूच्या परिसरातील लोकांनी त्यांच्यासाठी दरवाजे उघडले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.