पॅरिस : फ्रान्समध्ये संसर्ग वाढत असल्याने रात्रीची संचारबंदी जाहीर करतानाच फ्रान्सचे पंतप्रधान जीन कॅस्टेक्स यांनी कोरोना संसर्गाची लाट देशात आली असल्याचा इशारा दिला आहे. गेल्या आठवड्यात फ्रान्समधील आठ विभागांमध्ये लागू झालेली संचारबंदी आज एकूण ३८ भागांत लागू करण्यात आली. ही संचारबंदी सहा आठवड्यांसाठी लागू असेल. आज पत्रकार परिषदेत बोलताना कॅस्टेक्स म्हणाले की, फ्रान्ससह युरोपात कोरोना संसर्गाची दुसरी लाट आली आहे.
सध्या फ्रान्समध्ये कोरोनाचे ७ लाख ५६ हजार ४७२ रुग्ण आहेत. दुसऱ्या लाटेत दिवसाला किमान २० हजार नव्या रुग्णांची भर पडत आहे.
फ्रान्समधली पहिली लाट ओसरली, तेव्हा तेथील रुग्णवाढीची संख्या मोठ्या प्रमाणावर कमी झाली होती. त्यामुळे फ्रान्स सरकारने देशात लागू असलेले निर्बंध उठवले होते. तसेच, बहुतेक व्यवहार सुरळीतपणे सुरू केले होते. मात्र, काही दिवसांतच फ्रान्समध्ये कोरोनाची दुसरी लाट सुरू झाली आणि पुन्हा एकदा सरकारला कर्फ्यू जाहीर करावा लागला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.