रशियाचे परराष्ट्र मंत्री सर्गेई लावरोव्ह या आठवड्यात भारत दौऱ्यावर येणार आहेत. याआधी ते चीनच्या नेत्यांची भेट घेतील. लावरोव्ह हे 1 एप्रिलला दिल्लीला येण्याची शक्यता आहे. यादरम्यान ब्रिटनच्या परराष्ट्र मंत्री लिझ ट्रस याही भारत दौऱ्यावर येणार आहेत.

लावरोव्ह आणि भारताचे परराष्ट्र मंत्री जयशंकर यांची दिल्लीत भेट होणार आहे. भारतासोबत द्विपक्षीय चर्चेपूर्वी रशियाचे परराष्ट्र मंत्री लॅव्हरोव्ह हे चीनमध्ये (China) होणाऱ्या बैठकीला उपस्थित राहणार आहेत. बीजिंगने आयोजित केलेली ही तिसरी बैठक आहे. यामध्ये पाकिस्तान, इराण, रशिया, तुर्कमेनिस्तान आणि उझबेकिस्तानच्या राजदूतांचा समावेश असेल.

युक्रेनच्या (Ukraine) पेचप्रसंगाच्या पार्श्वभूमीवर रशियाचे परराष्ट्र मंत्री लावरोव यांचा भारत दौरा महत्त्वाचा मानला जात आहे. रशियाचे अध्यक्ष व्लादिमीर पुतिन यांच्या युक्रेनवरील लष्करी कारवाईचा उघडपणे विरोध किंवा टीका न करणाऱ्या देशांपैकी भारत एक आहे. युनायटेड नेशन्ससारख्या मंचावर भारताने घेतलेल्या भूमिकेचे रशियाने (Russia) कौतुक केले आहे.