Ukraine War: युक्रेन आणि रशियामधील युद्धाला एक वर्षाहून अधिक काळ लोटला आहे. दोन्ही देशांमध्ये भीषण युद्ध सुरु आहे. दोन्ही देशांनी एकमेकांचे प्रचंड नुकसान केले आहे, पण एक पाऊलही मागे हटायला दोन्ही देश तयार नाहीत.

युद्धामुळे युक्रेनची अर्थव्यवस्था पूर्णपणे उद्ध्वस्त झाली आहे. युक्रेनच्या मदतीसाठी जगातील सर्व देश पुढे येऊन आर्थिक मदत करत आहेत.

दरम्यान, आंतरराष्ट्रीय नाणेनिधी (IMF) ने युक्रेनला त्याच्या आर्थिक गरजा पूर्ण करण्यासाठी $15.6 अब्ज कर्ज देण्याचे मान्य केले आहे.

कर्ज सहाय्य कार्यक्रम चार वर्षे चालेल

युक्रेनच्या (Ukraine) अर्थ मंत्रालयाने बुधवारी सांगितले की, त्याने आंतरराष्ट्रीय नाणेनिधी (IMF) सह कर्ज सहाय्य कार्यक्रमास सहमती दर्शविली आहे, ज्यामुळे युक्रेनला त्याच्या मॅक्रो-आर्थिक स्थिरता सुनिश्चित करताना त्याच्या युद्धोत्तर पुनर्बांधणी गरजा पूर्ण करण्यात मदत होईल.

आयएमएफने एका निवेदनात म्हटले आहे की, आमचा कर्ज सहाय्य कार्यक्रम चार वर्षांसाठी चालेल, सुरुवातीचे 18 महिने युक्रेनची आर्थिक तूट भरुन काढण्यावर केंद्रित असेल. याशिवाय, नवीन नोटा छापून पेन्शन, पगार आणि मूलभूत सेवांशी संबंधित गरजा पूर्ण करण्याकडेही लक्ष दिले जाणार आहे.

पुनर्बांधणीच्या कामांवर विशेष भर दिला जाणार आहे

उर्वरित कार्यक्रम युक्रेनचे युरोपियन युनियनचे सदस्यत्व आणि युद्धानंतरच्या पुनर्बांधणीवर लक्ष केंद्रित करेल. सवलतीच्या वित्तपुरवठ्यासह या सहाय्य कार्यक्रमाला IMF च्या संचालक मंडळाने अद्याप मान्यता दिलेली नाही.

फेब्रुवारी 2022 मध्ये रशियाने युक्रेनवर आक्रमण केल्यानंतर त्याचा लष्करी खर्च गगनाला भिडला आहे, तर गेल्या वर्षी त्याच्या अर्थव्यवस्थेचा आकार जवळपास 30 टक्क्यांनी कमी झाला आहे.