Angelica Moskvitina: रशियातून एक धक्कादायक बातमी समोर आली आहे. स्टावरोपोलहून मॉस्कोला (Moscow) जाणाऱ्या फ्लाइटमध्ये एका महिलेने गोंधळ घातला. या महिलेने फ्लाइटमध्ये सिगारेट ओढल्याने गोंधळ तर निर्माण झालाच, पण प्रवाशांसमोर ती टॉपलेसही झाली. एवढेच नाही तर या महिलेने फ्लाइट अटेंडंटलाही चावा घेतला.

दरम्यान, 49 वर्षीय अंजेलिका मॉस्कविटीना असे आरोपी महिलेचे (Woman) नाव आहे. पहिल्यांदा तिने स्वत:ला टॉयलेटमध्ये कोंडून घेतले आणि सिगारेट पेटवली. काही वेळानंतर ती जेव्हा टॉयलेटमधून बाहेर आली आणि तेव्हा प्रवाशांनी तिला टॉपलेस पाहिले. तिने सगळ्या मर्यादा ओलांडल्यानंतर कॅप्टनच्या सांगण्यावरुन तिला बेड्या ठोकण्यात आल्या.

तसेच, टॉयलेटमध्ये धुम्रपान करावे लागल्याने अंजेलिका आपल्या सीटवरुन उठली. प्रत्यक्षदर्शींचे म्हणणे आहे की, तिने सर्वांसमोर आपले कपडे काढले. एवढ्यवरच न थांबता तिने जबरदस्तीने कॉकपिटमध्ये घुसण्याचा प्रयत्न केला.

दुसरीकडे, अंजेलिका विमानातील कर्मचाऱ्यांशी वाद घालत होती. क्रूने तिला कपडे घालण्याची विनंती केली. क्रूने पुढे असेही म्हटले की, तुम्ही विमानात नियमांचे उल्लंघन करत आहात?

अंजेलिका म्हणते की, 'मला मुलं आवडतात.' ती पुढे म्हणते की, 'मला हे चांगले समजते की, या कृत्यामुळे मी रुग्णालयात (Hospital) किंवा तुरुंगात जाईन, पण तरीही मला कॉकपिटमध्ये जायचे आहे.' क्रूने जेव्हा तिला पुन्हा कपडे घालण्यास सांगितले, तेव्हा ती म्हणाली की, माझ्यापासून दूर जा. मला इथे तुम्ही मारले तरी मी धुम्रपान करेन.