ब्रिटनचे पंतप्रधान ऋषी सुनक यांची 9 वर्षाची मुलगी अनुष्का सुनक (Anoushka Sunak) हिने शुक्रवारी लंडनमधील 'रंग' कार्यक्रमात अनेक मुलींसोबत कुचीपुडी नृत्य सादर केले. तिचा हा कुचीपुडी नृत्य पाहून प्रेक्षकांनी भरभरुन दाद दिली.

लंडनमध्ये (London) कुचीपुडी नृत्यप्रकाराचा हा सर्वात मोठा उत्सव आहे. सर्व वयोगटातील लोक यामध्ये सहभागी होतात. शुक्रवारी झालेल्या या कार्यक्रमात 4-85 वर्षे वयोगटातील सुमारे 100 कलाकार सहभागी झाले होते. यामध्ये संगीतकार, नृत्य कलाकार,व्हीलचेअर डान्सर, नटरंग ग्रुप, पोलांडचे विद्यार्थी यांचा समावेश होता. अक्षता मूर्ती आणि ऋषी सुनक देखिल नृत्य कार्यक्रमात सहभागी झाले होते.

ऋषी सुनक हे ब्रिटनचे 57 वे पंतप्रधान असून भारतीय वंशाचे पहिले ब्रिटश पतंप्रधान आहेत. भारतातील आघाडीची सॉफ्टवेअर कंपनी इन्फोसिसचे सह-संस्थापक नारायण मूर्ती यांची मुलगी अक्षता मूर्तीशी त्यांचे लग्न झाले आहे. ऋषी आणि अक्षता सुनक यांना कृष्णा आणि अनुष्का या दोन मुली आहेत.