ब्रिटनच्या पंतप्रधानपदाची (Britain PM) सुत्रे हाती घेतलेल्या ऋषी सुनक (Rushi Sunak) यांनी सुएला ब्रेव्हरमन (Suella Braverman) यांच्याकडे पुन्हा गृहमंत्रीपदाची जबाबदारी सोपवली आहे. मात्र सुएला यांना पुन्हा मंत्रिमंडळात स्थान दिल्याने सुनक यांच्यावर दबाव वाढत आहे. यावरून विरोधक देखील आक्रमक झाले असून, सुनक यांचा हा निर्णय चुकीचा असल्याचे विरोधकांनी म्हटले आहे.

लिझ ट्रस (Liz Truss) यांच्या सरकारमध्ये मंत्री असणाऱ्या सुएला यांनी देखील गृहमंत्रीपदाचा राजीनामा दिला होता. विरोधी पक्षनेते आणि कामगार खासदार यवेट कूपर यांनी रविवारी सुनक यांनी घेतलेल्या निर्णयाबद्दल सुनक यांना फटकारले. पंतप्रधानांचा हा निर्णय पुन्हा देशाच्या राष्ट्रीय सुरक्षेसाठी धोकादायक ठरू शकतो, असे कूपर यांनी म्हटले आहे. सुरक्षा नियमांचे उल्लंघन करणाऱ्या मंत्र्याची पुन्हा नियुक्ती करून अत्यंत वाईट निर्णय घेतला आहे. असे यवेट कूपर म्हणाले.

राष्ट्रीय सुरक्षा देखील महत्त्वाची आहे आणि त्याकडे दुर्लक्ष केले जाऊ नये. ब्रेव्हरमनने त्याच्या वैयक्तिक ईमेलवरून सुरक्षित माहिती पाठवून संहितेचा भंग करत आहेत. असेही यवेट कूपर म्हणाले आहेत. दरम्यान, सुनक यांनी सुएला यांचा बचाव करत, त्यांना पुन्हा मंत्रिमंडळात स्थान देण्याचा निर्णय अचूक असल्याचे त्यांनी म्हटले आहे. तसेच, मंत्रिमंडळातील सुएला एक अत्यंत महत्वाच्या साथिदार आहेत असेही सुनक यांनी सुएला यांच्या बचावात बोलताना म्हटले आहे.