Pakistan started expelling refugee Afghan students from schools:

जगभरातील मुस्लिमांचा मसिहा म्हणून वेळोवेळी स्वत:ला घोषित करणारा पाकिस्तान खालच्या पातळीवर जाऊन अफगाण निर्वासितांना देशाबाहेर ढकलत आहेत. अफगाण लोकांना देशाबाहेर हाकलण्यासाठी पाकिस्तानने दुष्टपणाच्या सर्व मर्यादा ओलांडल्या आहेत.

पाकिस्तानमध्ये सोमवारपासून अफगाणी मुलांसाठीच्या शाळा बंद ठेवल्या जाऊ लागल्या आहेत किंवा ज्या शाळांमध्ये अफगाण मुले शिकत आहेत त्यांना शाळांमधून हाकलून दिले जात आहे.

प्रत्येक अफगाण निर्वासिताला देशातून हाकलून देणार असल्याचे पाकिस्तानने म्हटले असून, अफगाण लोकांना ३१ ऑक्टोबरपर्यंत देश सोडण्यास सांगितले आहे. आणि ३१ ऑक्टोबरपर्यंत जे अफगाणी देश सोडणार नाहीत त्यांना 1 नोव्हेंबर पासून जबरदस्तीने देशातून हाकलून दिले जाईल असे पाकिस्तानने जाहीर केले आहे.

पाकिस्तानचे म्हणणे आहे की, सुमारे 17 लाख अफगाण शरणार्थी देशात बेकायदेशीरपणे राहतात आणि ते पाकिस्तानमधील दहशतवादी हल्ल्यांना जबाबदार आहेत. जे अफगाण 31 ऑक्टोबरपूर्वी देश सोडणार नाहीत, त्यांना 1 नोव्हेंबरपासून अटक करण्यास सुरुवात केली जाईल आणि त्यांची मालमत्ता जप्त केली जाईल, असे पाकिस्तानने म्हटले आहे.

पाकिस्तानमधील अफगाण मुलांसाठी शाळा बंद केल्याने त्यांच्या भविष्यावर, विशेषतः मुलींवर परिणाम होईल. कारण अफगाणिस्तानच्या तालिबान राजवटीने मुलींच्या शिक्षणावर बंदी घातली आहे. अफगाणिस्तानमध्ये मुलींच्या माध्यमिक शिक्षणावर बंदी आहे.

ऑगस्ट 2021 मध्ये तालिबान सत्तेवर आल्यानंतर आपल्या कुटुंबासह पाकिस्तानात आलेल्या 16 वर्षीय नर्गिस रेझाई म्हणाल्या, “आम्ही येथे शिक्षण घेण्यासाठी, चांगले जीवन जगण्यासाठी आलो आहोत.” येथिल कोणत्याही अफगाणला निर्वासिताला अफगाणिस्तानात परत जायचे नाही. तिथे अजिबात स्वातंत्र्य नाही."

राजधानी इस्लामाबाद आणि जवळच्या रावळपिंडी शहरातील पाच शाळा, अफगाण मुलांना त्यांच्या राष्ट्रभाषेत शिकवतात, सोमवारी शाळा सुटल्यानंतर त्या तात्पुरते बंद करण्यात आल्या, असे एका वरिष्ठ शिक्षकाने नाव न सांगण्याच्या अटीवर एएफपीला सांगितले.

पोलीस कागदपत्रे नसलेल्या अफगाण लोकांना तसेच कायदेशीररित्या रहिवासी स्थलांतरितांना लक्ष्य करत आहेत.

शिक्षकांनी सांगितले की, विद्यार्थ्यांना त्यांची घरे सोडण्याची भीती वाटत आहे. आणि याचा परिणाम असा झाला आहे की, वर्गातील विद्यार्थ्यांची उपस्थिती दोन तृतीयांशने कमी झाली आहे, त्यामुळे शाळा बंद करणे भाग पडले आहे.

“आम्ही इथे भीती आणि तणावाच्या वातावरणात शिकवतो, पोलीस कधीही येऊन आम्हाला घेऊन जाऊ शकतात,” असे गिती वकीलजादा या महिला गणिताच्या शिक्षिका म्हणाल्या.